4 SIUDAD TI ILOCOS REGION AGSERBI KAS MODELO PARA ‘SMART COMMUNITY’

October 13, 2023 Headlines

REHIYON NG ILOCOS

Uppat a siudad ti Rehion ti Ilocos iti karaman kadagiti pilot areas para iti Smart and Sustainable
Communities Program Department of Science and Technology’s (DOST). Dagitoy a siudad ket Batac sadiay Ilocos Norte, Candon iti Ilocos Sur, San Fernando sadiay La Union, ken Alaminos iti
Pangasinan, a napili gapu iti panggep dagiti bukodda a lokal a gobierno ken panagkumit a
mangpadur-as kadagiti teknolohiko a makabaro a komunidad.

Kasapulan nga ipangpangruna dagiti local government units (LGUs) iti dagitoy a lugar ti digitalisasion dagiti proseso ti transaksionda ken ipakaammo dagiti teknolohia ti agrikultura kasta
met iti disaster risk reduction and management, kuna ni Michael John Maquiling, DOST-Ilocos science and technology specialist ken smart program coordinator. “No adda iti panggep ken
panagkumitda, addanto met iti panagtitinnulong ken kinasagana,” imbagana, nga inmutektekna iti
pannakayussuat ti programa inton Oktubre 16,2023 bayat iti Regional Science, Technology, and Innovation Week.

Imbaga ni Maquiling a dagiti state colleges and universities (SCUs) ken sumagmamano a private higher education institutions (HEIs) iti dagitoy a lugar ket tumulongto met iti panagsirarak ken pamayan dagiti proseso, ken dadduma pay. Karaman kadagitoy nga HEIs iti Mariano Marcos State
University (MMSU) iti Ilocos Norte, Pangasinan State University idiay Alaminos, ken iti Don Mariano Marcos Memorial State University, Saint Louis College, ken ti Lorma Colleges Inc., amin
sadiay La Union.

Ti pondo para iti programa ket agtaud manipud iti LGUs ngem manayonan babaen kadagiti kadua nga ahensia ti gobierno kas iti Department of Information and Communications Technology, iti Department of the Interior and Local Government, ken iti National Economic and Development Authority, kuna ni Maquiling. “Tunggal partido ket mangituding iti pondo kas kasapulan ngem mangipaay iti DOST iti kasapulan a teknolohia ken alikamen,” kunana.

Iti maysa nga online briefing idi Martes (Oktubre 10), imbaga ni DOST-Ilocos information officer Christian Dominic Casimiro nga ikagumaan ti programa nga iyaam-ammo ken pasayaaten dagiti panangrang-ay ti teknolohia a makatulong kadagiti komunidad. Imbagana nga iti umuna a
paset ti programa ket ad-addu iti planning workshops kakuyog dagiti LGU ket kakadua daytoy.

“Iti inputda ket mausarto maitunos iti panangpasayaat wenno panangtaginayon iti panagrang-ay dagiti komunidadda. Iti akem ti DOST ket mangtingiting no kasano iti panagaramidda no maipapan ti panangusar kadagiti teknolohia wenno no kasapulanda ti pannakapasayaat babaen iti
tulong dagiti teknolohia ti ahensia,” kunana pay. Maitunos iti Smart and Sustainable Communities
Program iti Philippine Development Plan (PDP), a panggep a paunegen iti ekonomiko ken sosial a
panagbalbaliw iti pagilian.

(HA-PNA Ilocos/PMCJr.-ABN)