400 PAY A PULIS NAIBAON ITI PANGASINAN TAPNO MASIGURADO ITI NATALNA NGA ELEKSYON

April 9, 2022 Headlines

SIUDAD TI BAGUIO – Agarup 418 polis manipud iti Regional Special Operations Task Group (RSOTG) iti naibaon kadagiti nadumaduma nga estasion ti polisia iti Pangasinan tapno masigurado iti natalna ken naurnos a national ken local elections inton Mayo 9.
Iti maysa nga interbiu idi Huebes, imbaga ni Ilocos regional police director Brig. Gen. Westrimundo Obinque nga dagiti miembro ti RSOTG ket manipud iti nagduduma a unit ti Philippine National Police (PNP), kas iti Special Action Force, Revitalized-Pulis sa Barangay (R-PSB), Regional Mobile Force Battalion (RMFB), ken Provincial Mobile Force Company (PMFC).
Kinuna ni Obinque nga daytoy ket maysa a “proactive move” ti PNP tapno masigurado iti umdas a bilang ti polis iti nadumaduma a local government units kabayatan iti panawen ti eleksion.
“Hindi ibig sabihin na mayroong problema sa isang lugar kaya tayo nag-deploy ng RSOTG members kundi ito ay upang masiguro na natin na sapat ang bilang ng mga personnel natin sa lower units,” kunana iti pagsasao a Tagalog.
Imbaga ni Obinque nga dagiti miembro ti RSTOG ket agtrabahoda nga awan buteng ken pabor sinuman kadagiti kandidato.
“PNP remains neutral, apolitical, and non-partisan(agtaltalinaed a neutral iti PNP, di pulos makinamnamin iti politika, ken awan partidona),” kunana.
Imbaga ni Obinque nga iti tallo nga ili ti Pangasinan — Sual, Urbiztondo, ken Sto. Tomas – ket naipasidong iti “areas of immediate concern”. Innayonna a maysa kadagiti rason nu apay a nairaman dagitoy a lugar iti listaan ket gapu ta dadduma a pasamak a nainaig iti eleksion ket napasamak idi napan nga eleksion.
“We do not see any untoward incident that might happen in these areas but historically, there were election-related incidents in the past(awan ti makitami nga aniaman a saan a nasayaat nga paspasamak a mabalin a mapasamak ditoy a lugar ngem sigun ti historia, addaan dagiti pasamak a nainaig iti eleksion iti napalabas),” kunana.
Kabayatanna, madama a mangikonkondukta dagiti autoridad iti maysa a naregta nga imbestigasion maipapan iti pasamak pinnaltogan a nakairamanan ni Alexis Mamaril maysa a kanidato iti pagka-konsehal iti munisipio iti ili ti Malasique.
Imbaga ni Obinque a nangbukel iti police provincial command iti maysa a special investigation task group a mangsukisok iti pasamak. Kunana nga amin nga anggulo, karaman iti posible a panggep a politika, ket masuksukimat.
Ni Mamaril ket dati a kapitan ti barangay ken maysa nga agdama a barangay councilor ti Barangay Talospatang ili ti Malasiqui. Napaltogan daytoy iti sumagmamano a daras 7:50 ti rabii idi Abril 3.
Sigun iti report ti polisia, nakatakder ti biktima iti likudan ti luganna a nakaparada iti sango ti balayna idi inatake dagiti nakapaaltog a lallaki.
Ur-urayen ni Mamaril iti nabalkot a makan nga insagana ti pamiliana para iti kampania idi rabii ti Domingo.
(JJP-PNA Ilocos/PMCJr.-ABN)