44 OPISYAL TI COMELEC TI PANGASINAN “NASUKATAN” SAKBAY ITI MAYO A PANAGBUBUTOS

January 29, 2022 Headlines

SIUDAD TI BAGUIO – Adda 44 iti 48 election officers iti Pangasinan iti nayakar iti sabsabali a lugar sakbay iti nasional ken lokal nga eleksion.
Kinuna ni Commission on Elections (Comelec) Urdaneta City election officer Atty. Nathaniel Siaden nga iti pannakayakar ket tapno malappedan wenno maliklikan nga agbalin a pamiliar dagiti opisial kadagiti agdama nga opisiales.
“To remove any doubt on possible close affiliation among the officers and the officials (tapno maikkat iti aniaman a panagdudua iti posible a
naasideg a pannakitimpuyog dagiti opisial ti Comelec ken kadagiti opisial,” kunana iti maysa a virtual forum a binukel iti Philippine Information Agency Pangasinan idi Huebes (Enero 27).
Kinunan ni Siaden a dagiti opisial ti Comelec iti Dagupan City, ili iti Villasis, Rosales, ken Manaoag ket saan a nayakar gapu ta nagtugawda laeng iti nabiit pay.
Kabayatanna, amin nga election officer ket nakitinnunosen kadagiti school district supervisors wenno superintendent para iti komposision iti electoral boards iti tunggal presinto.
“Some have already finalized their working force such as electoral boards, support staff, supervising officers for support staff, and medical health personnel with support staff in polling centers (dadduma ket pinalpasdan iti puersa ti trabahoda kas iti electoral boards, support staff, supervising officers for support staff, ken medical health personnel addaan support staff iti polling centers,” kuna ni Siaden.
Iti campaign committees a buklen ti Department of Health, Philippine National Police, Armed Forces of the Philippines, ken iti Department of the Interior and Local Government iti nabukel pay.
Aprubaran wenno saan dagiti committee dagiti aktibidad ti kampania dagiti kandidato. Innayonna pay a dagiti kandidato ken tattao nga umatendar kadagiti panaggigimong ket mabilinan nga agusar iti face mask ken face shields.
Kinuna ni Siaden a dagitoy ket paset iti baro a protocols nga ipatungpal para iti Mayo a nasional ken lokal nga eleksion iti tengnga iti pandemia ti coronavirus disease 2019 (Covid-19).
“There will also be medical personnel in the voting centers during the election day to check the temperature and possible symptoms of the voters. While there will also be designated isolation areas for those who will exhibit symptoms (Maaddaan met iti medical personnel kadagiti voting center iti panawen ti aldaw ti panagpipili tapno kitaen iti temperatura ken posible a sintomas dagiti agbutos. Bayatna nga adda met naituding a luglugar para isolation para kadagiti agpakita iti sintomas),” kunana.
Addaan 3,339 polling precinct iti Pangasinan nga adda nasurok a 2 milion a rehistrado nga agbutos.
(HA-PNA Ilocos/PMCJr.-ABN)