4TH MARINE BRIGADE NAIBAON MANEN ITI ILOCOS NORTE, DADDUMA PAY A LUGAR TI AMIANAN A LUZON

LAOAG, Ilocos Norte – Opisial nga inabrasa iti probinsia ti Ilocos Norte babaen dagiti miembro iti Sangguniang Panlalawigan iti kaadda ti 4th Marine Brigade Philippine Marine Corps kalpasan iti kaudian a
pannakaibaonda iti probinsia idi pay 1983. Bayat iti nadayaw nga isasarungkarda iti regular a session, imbaga ni BGEN. Vicente Mark Anthony Blanco kadagiti lokal nga opisiales nga iti pannakaibaonda iti Amianan a Luzon ket permanenten.

Impasiguradona met iti panagkumitda a tulongan iti Philippine Army tapno taginayonen iti talna ken urnos
iti probinsia. Idi kattapog daytoy a tawen, nagun-odan iti Rehion ti Ilocos iti maysa a natalged a kapia ken seguridad. Kayatna a sawen nga amin a probinsia iti rehion ket siwawayan ken saanen nga apektado kadagiti communist terrorist groups (CTGs). “As you may be aware, the province of Ilocos Norte is not really chaotic.

It is an assurance, considering that the Ilocos region was declared insurgency-free, which includes Ilocos Norte (Kas ammoyo, iti probinsia ti Ilocos Norte ket saan met kasta a nariribuk. Maysa a pammasiguro, ikabilangan nga iti rehion ti Ilocos ket naideklaran a kas siwawayan manipud insurhensia, nga karaman iti Ilocos Norte),” kuna ni Blanco. Malaksid iti seguridad ti talna, dinakamat met ni Blanco nga dagiti soldado ket kabaelanda a tulongan iti probinsia iti panawen dagiti didigra kas kadagiti bagyo kas paset ti natauan ken didigra a respondeda.

“I feel safe already. Thank you for your presence as well (Mariknakon iti talged. Agyamannak iti kinaaddayo),” kuna ni Vice Governor Cecilia Araneta Marcos kabayatan ti nadayaw a isasarungkar dagiti
tropa. Kanayonanna, imparikna met ni Handy Lao, national president iti Philippine Councilor ’s League iti
panangpadagus daytoy kadagiti soldado ken kunana kadakuada a dumawat daytoy iti pondo manipud kadagiti miembro a konsehal iti liga tapno suportaranda dagiti marino.

( PIA Ilocos/PMCJr.-ABN)

IT BEGINS

DEPAP

Amianan Balita Ngayon