5.7 RIBO NGA ESTUDIANTE ITI ILOCOS NAKAAWAT TULONG EDUKASIONAL TI DSWD

August 27, 2022 Headlines

SIUDAD TI BAGUIO – Agarup 5,715 nga estudiante iti region ti Ilocos iti nakagun-od ti edukasional a tulong manipud iti Department of Social Welfare and Development (DSWD) agingga Agosto 20. Maibasar iti datos nga
insaad ti DSWD 1(Ilocos), 926 iti kadagupan ket manipud Ilocos Norte, 1,018 manipud Ilocos Sur, 2,884 manipud La
Union, ken 887 manipud Pangasinan.

Iti kadagupan iti naiwaras para iti edukasional a tulong ket aggatad iti PhP20.4 milion. Nakaawat dagiti estudiante
ti elementaria iti PhP1,000 tunggal maysa bayat a dagiti high school ket nakaawat iti PhP2,000 tunggal maysa; dagiti adda iti senior high school, PhP3,000 tunggal maysa; ken dagiti agad-adal ti kolehio wenno vocational courses ket makaawat iti PhP4,000 tunggal maysa. Iti tulong ket naited iti sidong ti crisis situations program, a panggep nga
mangipaay iti edukasional, medikal, pamumpon, ken probision iti taraon, ken dadduma pay, kadagiti
marigrigat a Pilipino nga addaan iti sidong ti krisis, didigra, wenno kinapanglaw.

Iti maysa a forum nga indanguluan ti Philippine Information Agency – Ilocos Sur idi Huebes, imbaga ni DSWD-1 Assistant Director Marlene Febes Peralta nga iti edukasional a tulong ket naipaay kadagiti estudiante nga adda iti krisis. “Agtrab-trabahoda bayat nga agad-adalda nga agbirbirok para iti panagadalda wenno matulongan iti
pamiliada, kasla agtrab-trabaho nga estudiante ken parasapul ti pagbiag. (Karaman met) dagiti pinanawan dagiti
nagannak kadakuada, annak iti agsolsolo a nagannak, wenno naawanan ti trabaho nga overseas Filipino workers, kasta mat dagiti ubbing iti pasiente iti human immunodeficiency virus disease, dagiti biktima iti aramid-tao wenno natural a didigra, ken dagiti manipud kadagiti marigrigat a pamilia (saan a benepisaryo iti Pantawid Pamilyang Pilipino Program),” kunana.

Dagiti kualipikasion ken kalikaguman a kasapulan tapno maka-apply para iti edukasional a tulong ket nailista iti Facebook page ti DSWD-1. Imbaga ni Peralta nga dagiti local government units (LGUs) ket tumultulong kadagiti ahensia iti panangilasin kadagiti benepisario ken maneksamen kadagiti dokumento nga insumitir dagiti aplikante, kasta met iti panangkondukta iti initial assessment. Iti panangsinunuo kadagiti benepisario ket manarimaan pay ken dagiti kualipikado a benepisario ket mapakaamuan dagiti LGU wenno iti DSWD. Dagiti eskediul para iti panangbayad ket inton Agosto 27, ken Setiembre 3, 10, 17, ken 24.

(HA-PNA Ilocos/PMCJr.-ABN)