52 MANAGLABSING ITI GUN BAN NAARESTAR SADIAY REHION TI ILOCOS

February 13, 2022 Headlines

SIUDAD TI BAGUIO – Inaresto ti Ilocos Police Regional Office (PRO-1) dagiti 52 a managlabsing ti pannakaiparit iti paltog manipud Enero 9 agingga Pebrero 9.
Kinuna ti PRO-1 a iti dagup a bilang, 37 iti naarestar sadiay Pangasinan police, lima sadiay La Union police, dua sadiay Ilocos Sur police, uppat sadiay Ilocos Norte police, ken uppat pay iti naarestar ti Regional Drug Enforcement Unit.
Iti maysa nga interbiu idi Huebes, kinuna ni PRO-1 regional director Brig. Gen. Emmanuel Peralta a dagitoy a nairingpas a trabaho ket paset laeng kadagiti naparegta a police operations tapno maipasigurado iti publiko a serioso daytoy iti kampaniana nangruna daytoy a panawen ti eleksion.
“I ordered our operatives on the ground to intensify police operations against loose and unregistered firearms especially that the election campaign has already started (imbilinko kadagiti operatiba tayo a paregtaenda iti police operations kontra kadagiti nalukay ken saan a rehistrado nga igam nangruna nga iti kampania ti eleksion ket nangrugin),” kunana.
Agarup 175 igam iti nakompiskar iti intero a rehion. Iti dagup a bilang, 83 armas iti nakompiskar wenno natakuatan wenno naisuko idiay Pangasinan, 30 armas sadiay La Union, 38 sadiay Ilocos Sur, 15 sadiay Ilocos Norte, uppat iti naisuko iti Regional Drug Enforcement Unit, ken lima iti Ilocos Regional Mobile Force Battalion.
Dagup a 277 nadumaduma nga armas iti impadulin dagiti mangik-ikut iti paltog iti rehion tapno maitalimengda.
“We also assure that our police remain apolitical. I have ordered the reassignment of 87 PRO-1 personnel with relatives vying for a political post and transferred chiefs of police who have been in their post for more than a year to avoid familiarity.
Our police personnel were properly deployed to sufficiently man 325 Commission on Elections checkpoints that operate 24 hours a day(Ipanamnamami met nga iti pulis tayo ket agtalinaed a saan a makinamnamin iti politika.
Imbilinko iti panakayakar iti 87 PRO-1 personnel nga addaan kabagian nga kandidato ken mayakar dagiti police chief a nagbayag iti puestoda iti nasurok iti maysa a tawen tapno maliklikan iti pannakapamiliar. Siuumiso a naiwaras tapno umdas nga mangbantay iti 325 checkpoints ti Commission on Elections nga agtignay 24 oras kada aldaw),” kunana.
(HA-PNA Ilocos/PMCJr.-ABN)