7 ili ti LU nangipresentar ti Solid Waste Mgmt Plans

September 16, 2019 Headlines

SIUDAD TI SAN FERNANDO, La Union — Pito nga munisipalidad ti La Union ti nangidatag iti Ten Year Solid Waste Management Plans sadiay National Solid Waste Management Commission Technical Working Group (NSWMC TWG) idi Setiembre 5, 2019 idiay Hive Hotel, Quezon City.

Indanguluan dagiti local chief executives dagiti department heads ken staff dagiti pito nga munisipalidad: San Juan; San Gabriel; Bangar; Sto. Tomas; Pugo; Tubao; ken Burgos ti presentasion dagiti plano da.

Adda iti deliberasion da Department of Environment and Natural Resources – Environmental Management Bureau Region 1 director Maria Dorica N. Hipe ken Ms. Diana E. Jutba iti Provincial Government of La Union – Environment and Natural Resource Unit tapno tumulong ken mangted suporta iti grupo ti LGUs.

Nirepaso iti NSWMC TWG nga indanguluan ni Department of Environment and Natural Resources Usec. Benny Antiporda iti plano ken nangted iti inputs kadagiti LGU estratehia iti solid waste management.

Kalpasan iti naan-anay nga panangrepaso ken panangsukimat, amin nga plano ket maindorso para iti pananganamong daytoy bayat iti en banc meeting. Iti NSWMC TWG ket buklen dagiti pannakabagi manipud saba-sabali a line agencies kas iti Department of Agriculture (DA), Department of Interior and Local Government (DILG), Philippine Information Agency (PIA), Department of Public Works and Highways (DPWH), League of Cities, Department of Trade and Industry (DTI), ken Recycling Industry.

Iti madama, iti probinsia ti La Union ti addaan kaaduan nga naamongan nga 10-Year Solid Waste Management Plans iti Rehion 1.

Idi 2018, innem a plano karaman iti provincial plan iti balligi nga naidatag ken inamongan ti NSWMC.

Iti umuna a tallo a bulan ti 2019, tallo nga plano ti nainayon iti listaan. Iti pannangamon kadagiti plano ket napateg gapu ta agserbi daytoy a kas mangwanwan ken batayan para iti LGUs iti umno nga implementasion ken pannakaipatungpal kadagiti linteg ken regulasion iti solid waste management.

Diana E. Jutba, GPC-ENRU/PMCJr.-ABN