75% TI ILOCOS JEEPNEY OPERATORS AGTUNGPAL ITI MODERNIZATION PROGRAM

January 19, 2024 Headlines

REHIYON TI ILOCOS

Agarup 75.56 porsiento ti public utility jeepney (PUJ) operators ti Rehion ti Ilocos iti napagtitiponen a kooperatiba wenno korporasion, kinuna iti maysa nga eekutibo ti regional Land
Transportation Franchising and Regulatory Board (LTFRB) idi Mierkoles, Enero 17. Imbaga ni Atty. Mark Anthony Espenilla, LTFRB Ilocos Region regional office representative bayat iti maysa a forum a dagiti agtungpal a maseknan ket dimmanon iti 4,609 iti kadagupan 6,100 nga operator.

“So far with the consolidation rate, we can say that there is high acceptance of the program in the region (Agingga ita iti pangatitipon ti bilang, maibagatayo nga adda iti nangato a panangakseptar iti programa),” kinunana. Saan a karaman iti bilang dagiti nangidatag iti aplikasionda para
konsolidasion idi Disiembre 30 ken 31, 2023, maysa a ngudo ti lawas ken naideklara a holiday,
kinunana.

Imbaga ni Espenilla a karaman kadagiti rason iti saan a panagtungpal dagiti dadduma a PUJ operator ket dagiti desision iti negosio, riri iti uneg ti kooperatiba gapu iti sumagmamano a banag kas maipagarup a nangato a membership fee ken kayat dagiti operator a makontrol iti personal a matgedanda. Patien dagiti dadduma a managay-ayam nga iti gatad iti modernized jeepney ket
nangato ngem imbaga ni Espenilla nga adda iti nakasagana a tulong iti panagpinansia kadagiti
kooperatiba.

Imbagan ni Espenilla nga iti Office of the Transport Cooperative ket inakarina met a mangtangdan wenno ipangpangrunana ti panggedan dagiti PUV driver a maapektaran iti saan a panagtitipon dagiti operatorda. Panggep ti PUV modernization program nga aramiden iti public transport system ti pagilian a nadaydayaw, natauan ken maitunos kadagiti sangalubongan a pagaladan.
Panggepna met nga ipaayan dagiti Filipino iti maysa a nasaliwanwan a biag babaen iti panangipaay iti nataltalged, ad-adda nga episiente, mapagtalkan, nanam-ay, nalaka, makaay-ayo ti klima ken
mataginayon iti aglawlaw a sistema iti transportasion.

(HA-PNA Ilocos/PMCJr.-ABN)