80 HIGH SCHOOL, COLLEGE GRADUATES SA TABUK NAKINABANG SA JOBSTART PROGRAM

May 11, 2025 Provincial

TABUK CITY, Kalinga

Hanggang 80 kuwalipikadong high school at college graduates sa Tabuk City ang magkakaroon na ng isang mas magandang pagkakataon na makahanap ng trabaho sa kanilang pag-uumpisa noong Mayo 6 ng kanilang 10-araw na Soft/Core Skills Training (SCST) sa ilalim ng JobStart program ng Department of Labor and Employment. Layon ng program ana pahusayin ang mga tsansa ng mga kalahok ng trabaho sa pagbibigay ng career coaching, technical skills training, at internship opportunities. “Ang SCST ay nagbibigay sa mga JobStart trainees ng kaalaman, positibong pag-uugali, at praktikal na kasanayan na magpapahusay sa kanilang kahandaan para sa parehong karera at mga oportunidad sa buhay,” ani Tabuk City Public Employment Services Office (CPESO), na siyang nagpapatupad ng programa.

Ang pagsasanay ay isinasagawa sa isang blended approach, isang halo ng face-to-face at online learning na may 30 modules na inorganisa sa tatlong mahahalagang bahagi: high priority, na sakop ang kahandaan sa trabaho at core workplace skills; medium priority na kasama ang personal development at interpersonal skills; at supporting priority na binubuo ng life skills, wellness, at long-term planning. Sa panahon ng pagsasanay, ang mga kalahok ay tatanggap ng sahod na PhP400, at sa ibabaw ng PhP200 transportation allowance.
Pagkatapos makumpleto ang pagsasanay, maitatalaga sila sa isang pribadong kompanya o opisina para sa 66 na araw ng paid technical work, kasunod ang isang 44-araw na internship.

(RGA-PIA CAR/PMCJr.-ABN)