98.9% EMPLOYMENT RATE NIREKORD TI ILOCOS NORTE – DOLE

August 18, 2023 Headlines

SUIDAD TI LAOAG, Ilocos Norte

Tapno maitampok iti panagduras ti ekonomia, indauluan ti Bangko Sentral ng Pilipinas iti maikatlo a paset ti Post of the Nation Address (SONA) Philippine Economic Briefing (PEB) Domestic Roadshow iti siudad ti Laoag idi Lunes, Agosto 14. Ti PEB ket maysa a pamayan iti economic team ti pagilian tapno ma-update dagiti lokal a negosio ken dagiti komunidad ti pinansia iti economic agenda ti administrasion ni Presidente Ferdinand R. Marcos Jr. ken pagsaritaan dagiti isyu ken
dagiti solusion nga espesipiko kadagiti rehionda.

Kabayatan iti roadshow, imparagawag ni Labor Secretary Bienvenido Laguesma a naragpat ti probinsia ni Ilocos Norte ti 98.9% employment rate para iti tawen 2022 ken 79.4% ti labor force participation idi 2022. Sigun kenni Laguesma, daytoy a nangato a bilang ket maigapo iti agtultuloy nga pannakaipatungpal iti agduduma a temporario a programa ti trabaho iti gobierno, karaman iti
Government Internship Program (GIP), Tulong Panghanapbuhay sa Ating Disadvantaged /Displaced Workers (TUPAD), ken Cash for Work Program. Idi 2022, nairekord ti pagilian iti 94% employment rate.

Daytoy a record ket simmayaat maibatay iti kaudian a Labor Force Survey idi Hunio 2023 no sadino a nairekord ti pagilian iti 95.5% employment rate. Imbaga ti Labor Secretary nga ti departamentona ket nakapokus iti panangpartuat kadagiti de-kalidad a trabaho para kagaditi Filipino tapno maingato iti employment rate ti pagilian. “Sa government infrastructure projects, mahigit P3 milyon na tinitignang malilikhang trabaho. Sana makalikha tayo ng mga quality jobs hindi gaya ng nasabi kanina na temporary,” kuna ni Laguesma.

Imbagana pay nga iprayoridad ti DOLE iti youth employability tapno nasaysayaat a mataming iti
school-to-work transition babaen iti JobStart PH program, Special Program for the Employment of Students, GIP, ken iti Career Guidance Advocacy Programs. Bayat iti PEB, impresenta ni Bangko Sentral Governor Eli Remolona, Jr. iti Ilocos Region’s Gross Regional Domestic Product (GDRP) a dimmakel iti 7.6 porsiento idi 2022, maika-8 kadagiti 17 a rehion ti pagilian ken iti poverty incidence ti probinsia ket addan iti singledigit idi 2021 a 2.5%.

Imbaga ni National Economic and Development Authority (NEDA) Undersecretary Carlos
Bernardo Abad Santos nga ti probinsia ket addaan iti kababaan a poverty incidence iti rehio ken compiansa a maragpat ti rehion iti 7.3% a poverty rate ken 7 agingga 7.5 GRDP iti medium term.

(EJFG-PIA Ilocos Norte/PMCJr.-ABN)