Ad-adu nga access roads para Rehion 1 panggep ti DOT

January 21, 2020 Provincial

LINGAYEN, Pangasinan – Panggep ti Department of Tourism (DOT) sadiay Rehion 1 nga mangipatakder iti ad-adu nga proyekto kas kadagiti access roads tapno maparegta iti turismo dagiti probinsia iti rehion.
Kuna ni baro-a-tugaw nga Tourism Regional Director- Ilocos Joseph Francisco ‘Jeff’ Ortega nga inruginan nga agrikos kadagiti tourism areas iti Pangasinan ken nakipatang kadagiti local chief executives nu kasatno nga paregtaen iti imprastruktura nga mapasayaat iti turismo iti panagbiag nga ekonomia.
Sinanama ni Ortega nga iti panakikadua iti Tourism Infrastructure and Enterprise Zone Authority (TIEZA) ken Department of Public Works and Highways (DPWH) ket maaramid iti gobierno dagiti tourism development areas nga nalaklaka nga papanan dagiti turista iti pannakaaramid iti adadu nga access roads.
“Nasken nga maaddaan pay iti dalan dagiti tattao nga mapan kadagiti tourism development areas. Nu awan iti nasayaat nga dalan, awan banagna iti panagpatakder iti imprastruktura kadagiti lugar ti TIEZA,” kuna ni Ortega iti panagbisitana idiay Lingayen.
Kinuna ni Ortega nga saan nga kasapulan iti kompetision kadagiti lugar ken probinsia nu maipapan iti turismo gapu ta iti turismo ket “apolitical” ken kayat nga ipasigurado ti DOT nga maaddaan amin iti napasayaat nga luglugar para turismo.
Kuna na nga mang-mangted iti turismo kadagiti tattao iti oportunidad a pangbiag. Nu pay iti darat ken baybay iti umuna nga atraksioin ti turismo, mabalin met nga padasen iti tattao iti farm tourism.
“Iduronmi iti farm tourism nga maysa nga alternative livelihood tapno kumita ti dakdakkel ken kasta met saan nga aguray dagiti mannalon iti tiempo. Dakkel iti maisakripisio nu addaan iti El Nino ken La Nina. Intero a tawen iti turismo,” kuna ni Ortega.
Iti panagbisitana iti Pangasinan, kinuna ti 29-anos nga director nga naragsakan daytoy iti nakitana. “Iti Patar white beach sadiay ili ti Bolinao ket maibaga nga ‘Boracay of the North’ ken iti Hundred Islands idiay Alaminos City, unayak nga bummilib – unay nga nalinis, na-manicure ken iti kinatalged ket isu’t umuna nga importante,” kuna na.
Kabayatanna, kinuna ni Ortega nga ngimato iti tourist arrivals ti 14 porsiento ken nangnayon iti turismo iti 12.4 porsiento iti gross domestic product iti Pilipinas iti napalabas a tawen.

VHS-PIA-1/PMCJr.-ABN