AFP, PNP nagkuyog tapno pabiligen iti barangay peacekeepers

September 26, 2020 Headlines

ILOCOS SUR – Indanguluan dagiti kameng ti Armed Forces of the Philippines (AFP) ken iti Philippine National Police (PNP), nangruna manipud Charlie (CRUSADER) Company iti 81st Infantry (SPARTAN) Battalion ken iti puersa ti police dagiti munisipalidad ti Nagbukel ken Narvacan iti panakaaramid ti Barangay Peacekeeping Action Team (BPATs) refresher seminar.
Daytoy a seminar ket gandatna nga pabiligen ken paregtaen dagiti barangay nga agbalin a naandur manipud riribuk ken impluensia dagiti komunista a terorista ken dadduma pay a grupo wenno indibidual.
Nasken a maimutektekan nga dagiti BPATs ket force multipliers iti panangipatungpal iti linteg nangruna mataginayon iti urnos ken talna kasta met iti crime prevention ken anti-insurgency kadagiti barangay.
Maysa pay, iti tengnga iti pandemia ti coronavirus disease 2019 (COVID-19), iti seminar ket nairanta nga igaman dagiti BPATs iti pannakaammo nu kasatno a labanan iti saan makit-kita nga kalaban ken lappedan iti panakaiwaras daytoy kadagiti barangayda.
Iti panagsanay idiay ili ti Nagbukel ket nakipaset dagiti 60 barangay tanod manipud uppat nga barangay: Taleb, Bandril, Casilagan ken Poblacion East bayat nga18 barangay tanods manipud Barangay Sucoc iti nakipaset iti seminar sadiay munisipalidad ti Narvacan.
Bayat iti seminar, napagsaritaan dagiti topiko kas pagrebbengan ken responsibilidad dagiti BPATs, basic principles of investigation, “Anti-Bastos” Law ken sexual harassment, arresting techniques, Communist Party of the Philippines–New People’s Army (CPP-NPA) terrorists infiltration ken iti Enhanced Comprehensive Local Integration Program (E-CLIP).
Iti maysa a mensahe, kinuna ni Ronald Corpuz, barangay chairman ti Sucoc nga, ”Nagpapasalamat ako sa mga kasundaluhan at kapulisan sa walang sawang pagsuporta at pagtulong sa amin, malaking tulong ito para madadagdagan ang kakayahan ng mga BPAT member sa aking barangay.”
Kasta met, kinuna ni Lieutenant Colonel Rodrigo Mariñas Jr., commanding officer iti 81st IB, nga, “We must not let our guards down as we faced the pandemic, instead, we must be more vigilant to fight this crisis and also to end the insurgency here in the province of Ilocos Sur.”
“I would also like to stress our appreciation and gratitude to the residents of the two municipalities for showing their concerns in maintaining peace and order in their barangay and for  participating in this BPATs training. We, the Philippine Army, together with the PNP, vows to continue to work together to attain a peaceful community for our people,” innayonna.
AMB/PIA Ilocos Sur/PMCJr.-ABN