APAT SUSPEK NADAKIP SA PAGPATAY SA LGBTQ TEACHER SA ABRA

October 2, 2022 Headlines

Motibo: Land dispute

BANGUED, Abra – Natukoy at nadakip na ng pulisya ang apat na suspek na pumatay sa isang guro sa high school na miyembro ng Lesbian, Gay, Bisexual, Transgender, and Queer (LGBTQ) community,sa
isinagawang hot pursuit operation,matapos ang krimen Miyerkules Setyembre 28. Kinilala ni Col.Maly Cula, provincial director ng Abra Provincial Police Office, ang mga nadakip na sina Sonny Boy Gandeza Tullas, 31, construction worker at residente ng Cabaroan ,Tayum ,Abra ; Abelardo Talape,42,traffic
enforcer, ng Patucannay,Tayum,Abra; Aldrin Alagao,alyas Bull at Rommel Paa,alyas Ambong.

Napag-alaman na si Tullas ay driver ng gunman na si Paa,samantalang si Alagao ay nagsilbing loot-out at middleman naman si Talape. Ayon kay Cula, malaking tulong ang CCTV footage sa lugar,kaya’t agad isinagawa ang hot pursuit operation na ikinadakip ni Tullas na umano’y driver ng gunman dakong alas
10:00 umaga sa Tayum, Abra na gamit ang motorsiklo na nakita sa CCTV. Dakong alas-5:00 ng hapon
ng araw din iyon, ang mga tauhan ng Sallapadan MPS sa pangunguna ni Pat Melchor Cariño na naalarma aay nagsagawa ng checkpoint sa Sitio Gangal, Poblacion, Sallapadan, Abra kaugnay ng isinagawang hot pursuit. para sa posibleng pagdakip sa mga suspek.

Pinahinto nila ang isang motorsiklo minamaneho ni Talape, na akma sa paglalarawan ng motorsiklo na ginamit ng mga suspek sa oras ng insidente. Positibong kinilala ni Cariño at mga tauhan ng Sallapadan
MPS si Talape, bilang isa sa mga persons of interest (middle man) at ito ay kanilang dinakip. Noong Setyembre 29, dakong alas 9:30 ng umaga, sa pamamagitan ni Punong Barangay Ilarde Jacquias, ng
Barangay Cabaroan, Tayum, Abra, ay kusang-loon na sumuko si Alagao sa mga tauhan ng Bangued MPS at nagsagawa ng Extra Judicial Confession na tinulungan ni Atty. Hamilcar P Bigornia.

Ang araw din iyon, Setyembre 29, nadakip ng mga operatiba ng Provincial Intelligence Unit ng Abra PPO si Paa sa Barangay Cabaroan, Tayum, Abra. Batay sa mga testimonya ng mga naarestong suspek, ang
motibo ng insidente ng pagpatay ay naging alitan sa lupa sa maliit na pag-angkin sa pagmimina at
personal na lumang sama ng loob. Dakong alas 8:45 ng gabi ng isampa ang criminal complaint for
violation of Article 248 of the Revised Penal Code “Murder” laban sa mga suspek sa Office of the Provincial Prosecutor, Bangued, Abra.

Matatandaan noong umaga ng Setyembre 28 ay lulan ng kanyang motorsiklo si Rudy Steward Dugmam Sayen, 38, kilala rin bilang “Estee Saway,” single, ng Zone 4,Bangued,Abra para pumasok sa kanyang
trabaho sa Suyo National High School sa Pidigan, Abra. Bagama’t alerto sa pagmamaneho ay hindi
namalayan ng biktima na nakasunod ang suspek na lulan din ng motorsiklo. Bumunot ng baril ang
gunman at pinaputukan ang biktima nang nasa harap isang carwah station sa may Abra Ilocos Sur Road, Barangay Lipcan, Bangued, Abra, dakong alas-7:50 ng umaga.

Nagtamo ng dalawang tama ng bala si Sayen at isinugod ng nagrespondeng tauhan ng 1st Provincial Mobile Force Company ang biktima sa Abra Provincial Hospital dito kung saan idineklara itong patay ni Dr.
Louie Jon Enerva.

Zaldy Comanda/ABN