APLIKANTE TI COC SAAN PAY NGA OPISIAL A KANDIDATO – COMELEC

October 12, 2024 Headlines

MALASIQUI, Pangasinan

Di kumurang a 1,147 nga agtartarigagay iti probinsia ti Pangasinan iti nangidatag ti certificates of candidacy (COC)
para iti 2025 mid-term elections manipud Oktubre 1-8 ngem saanda pay nga opisial a kandidato, sigun iti maysa nga
opisial ti Commission on Elections (COMELEC). Iti maysa nga interbiu ti telepono idi Mierkoles, imbaga ni Atty. Ericson Oganiza, Pangasinan election supervisor ti COMELEC a dagiti COC ket maproseso pay ti Commission, nga adda iti tentatibo a listaan a mairuar inton Oktubre 29 ken ti opisial a listaan dagiti kandidato kalpasanna.

“Aniaman nga oras, mabalinda nga ibaw-ing ti kandidaturada ngem awan ti kasukat wenno substitution,” kinunana. Ti dagup nga aspirante, 11 ti nangidatag para iti puesto ti Kongreso ti innem a distrito ti probinsia. Ni agdama a Pangasinan 1st District Representative Arthur Celeste keta wan sumuppiat iti umuna a distrito, bayat a ni agdama nga 2nd Dist. Rep. Mark Cojuangco ken agdama a mayor ti Lingayen a ni Mayor Leopoldo Bataoil ket makisalisal para ti maikadua a distrito, ken ni agdama a 3rd Dist. Rep. Rachel Arenas, dati a Congressman Generoso Tulagan Sr. ken George Absolor ket agtartaray para iti maikatlo a distrito.

Iti maikapat a distrito, ni dati a Kongresista Gina de Venecia ken dati a Dagupan City Vice Mayor Alvin Fernandez ket nangipila ti kandidaturada; bayat a ni agdama a 5th Dist. Rep. Ramon Guico Jr. ken Urdaneta City councilor Franco Paolo del prado iti maikalima a distrito; ken ni agdama a 6th Dist. Rep. Marlyn Primicias-Agabas ken Gilbert
Estrella, anak ni Agrarian Reform Secretary Conrado Estrella III ket agsango para iti maikanem a distrito. Para ti puesto ti gobernadora, ni agdama a Governor Ramon Guico III ken dati a gobernador Amado Espino III ket nangipila ti kandidaturada bayat a ni agdama a Vice Governor Mark Ronald Lambino ken dati a Mayor Noel Nacar ti ili ti Dasol ti manggundaway iti puesto ti vice governor.

Agarup 25 nga aspirante ti nangipila ti COC-da para iti puesto ti Sangguniang Panlalawigan. Dagiti agtarigagay para ti pagkamayor ket dimmanon ti 101 bayat 103 para ti vice mayor, 79 para Sangguniang Panlunsod, ken 824 para iti
municipal board. Imbaga ni Oganiza nga rugian met ti election board a mangproseso kadagiti voter registration manipud Hulio agingga Setyembre mangrugi inton Oktubre 14.

(HA-PNA Ilocos/PMCJr.-ABN)