BAGYO, HABAGAT’ NANGIBATI ITI P55-M DANIOS TI INFRA ITI PANGASINAN

September 9, 2023 Headlines

SIUDAD TI LAOAG, Pangasinan

Nabatian ti Pangasinan iti PhP55.5 million a gatad ti danios iti imprastruktura kalpasan iti
panangatake ti dua a bagio ken napapigsa a southwest monsoon wenno ‘habagat’ (nepnep), imbaga ti Provincial Disaster Risk Reduction and Management Office (PDRRMO). Iti maysa a report ti
situasion idi Huebes, imbaga ni Pangasinan PDRRM officer Rhodyn Luchinvar Oro a kaaduan iti imprastruktura a nadadael ket provincial roads, kangrunaan dagiti rakrak nga naaspalto a pagdalanan a nagbalinen a lasonglasong.

Maibatay kadagiti report dagiti local government units, agingga 11 a.m. idi Huebes, dagiti naapektaran a kalsada ket sadiay ili ti Bolinao, Bani, Mabini, Burgos, San Jacinto, Mangaldan, Sison, Balungao, Umingan, San Manuel, ken Asingan, bayat nga iti Lingayen-San Carlos CityUrbiztondo road dike ket maysa kadagiti nadadael nga imprastruktura nga aggatad iti PhP15 million gapu iti napigsa a tudo gapuanan dagiti nabiit pay a bagio ken ‘habagat.’ Dagiti gatad ti danios kadagiti sabali a provincial roads ket manipud PhP1.5 million agingga PhP4 million
tunggal maysa.

Imbaga ni Oro a maysa a balay sadiay ili ti Mangaldan iti nadadael ken pito a balbalay idiay ili ti Mangaldan ken San Fabian iti nadadael. Impadamag ti ili ti Mabini iti danios nga aggatad ti
PhP46,500 iti tarakenda, bayat a dagiti sabali a lugar ket ideklarada pay iti aniaman a danios ti agrikultura ken tarakennga an-animal. Agdagup iti 5,618 a pamilia manipud siam a munisipalidad
iti naapektaran ti panaglayus sadiay probinsia, kuna ni Oro. Awan ti biktima a mainaig ti bagyo iti naipadamag, nupay tallo a menor de edad iti natay gapu iti pannakalmesda idiay Malasique idi Setiembre 5.

Saan pay a naberipika ti PDRRMO nu maikonsidera a mainaig daytoy ti bagyo. Iti water level ti San Roque Dam ket ngimmato iti 260.43 meters above sea level agingga idi Huebes ngem adda pay
daytoy ti normal level. Imbaba ti PDRRMO iti estado daytoy ti white alert bayat a pimmanawen ni Tropical Depression Ineng iti Philippine Area of Responsibility idi Mierkoles.

(HA-PNA Ilocos/PMCJr.-ABN)