BCPO NAKAANTABAY SA PAGDAGSA NG TURISTA SA HOLY WEEK, SUMVAC 2025

April 12, 2025 Headlines

Pagdagsa ng pasahero inaasahan sa Semana Santa

BAGUIO CITY

Pinapayuhan ng Baguio City Police Office ang publiko na manatiling mapagmatyag at maging maingat sa panahon ng Semana Santa at Summer Vacation o’ SUMVAC 2025. Inaasahan na mahigit sa 300,000 turista ang dadagsa sa Baguio City para magbakasyon para samantalahin ang long weekend season. Ayon sa BCPO, papaigtingin nila ang seguridad ng mga residente at bakasyunista, habang
nakakalat ang may mahigit na 600 kapulisan para sa kanilang presensya sa mga pangunahing kalsada, hub ng transportasyon, at mga
pangunahing lugar kabilang ang mga parke, mga pamilihan, at mga sikat na tourist destination.

Ipapakalat din ang kapulisan sa may 22 lugar ng pagsamba sa buong lungsod upang matiyak ang mapayapang pagsunod sa mga
gawaing panrelihiyon sa buong Semana Santa. Bagama’t unti-unting bumababa ang mga kaso ng pagnanakaw, nananatiling alerto ang mga anti-theft team. Ang kanilang presensya ay naglalayong maiwasan ang mga insidente ng pagnanakaw, na nagpapahintulot sa publiko
na tamasahin ang lungsod na may kapayapaan ng isip. “Hinihikayat namin ang publiko na gumawa ng simple ngunit mahalagang pag-iingat—panatilihin ang iyong ligtas ang mga gamit, planuhin ang iyong mga biyahe nang maaga, at manatiling updated sa mga kondisyon ng trapiko,”pahayag ni BCPO Director Col.Ruel Tagel.

Binigyang-diin din niya ang kahalagahan ng pagsunod sa mga ordinansa ng lungsod upang mapanatili ang kaayusan at disiplina. Pinapaalalahanan ang mga motorista na siguraduhing maayos ang kanilang mga sasakyan kondisyon para sa ligtas na paglalakbay.
Samantala, Naghahanda ang ilang bus companies para sa inaasahang pagdagsa ng mga biyahero na magsisimula sa Miyerkules Santo hanggang Linggo ng Pagkabuhay,para magbakasyon sa Summer Capital. “Ngayong darating na Semana Santa, ay talagang dadagsa ang mga pasahero. Magsisimula tayo ng Martes, Miyerkules, at Huwebes.

Siguro, sa daily, mga 10,000 a day,” ayon kay Rey Quinto, bus terminal master sa may Governor Pack Road. Aniya, maliban sa mga
regular na bus, magdadagdag pa sila ng karagdagang units upang maserbisyuhan ang lahat ng mga pasahero. Kailangan nilang kumuha
ng special permit mula sa Land Transportation Franchising and Regulatory Board (LTFRB) para rito. “Yung safety po ng aming mga bus, ngayon po iniisa-isa namin ang mga bus para sa darating na Semana Santa para masecure at kondisyon ang ating bus, at ang ating mga
empleyado, dapat may sapat na pahinga para makabiyahe ng maayos,” paliwanag ni Quinto.

Hindi lamang ang mga terminal ng bus ang naghahanda, pati ang mga operator ng UV Express sa Baguio City, gaya ng mga UV Express sa Otek Street, ay nagsimula nang maghanda. Ayon sa driver na si Joe, patuloy nilang pinapalakas ang serbisyo ng kanilang mga van upang makapagbigay ng komportableng biyahe sa mga pasaherong nag-aabang ng biyahe. Isa sa mga tinututukan ng UV Express operators ay ang pagpapalawak ng ruta patungong La Union at Pangasinan, upang mapadali ang biyahe ng mga pasahero sa mga araw ng Semana Santa. Upang matiyak ang kaligtasan ng mga pasahero, magpapakalat ang PNP ng mahigit 300 na pulis sa mga terminal ng bus at UV Express.

Patuloy ding magmomonitor ang mga awtoridad upang magpatupad ng kaayusan at seguridad, pati na rin ang pamamahala ng trapiko sa mga abalang araw. Hindi rin magpapahuli ang Land Transportation Franchising and Regulatory Board (LTFRB) at Land Transportation Office (LTO), na nagtatalaga ng mga Inspection Team Sa mga terminal upang tiyakin ang kaligtasan ng mga sasakyan at mga driver na
magbibiyahe, upang matiyak na ligtas ang bawat biyahero na uuwi sa kani-kanilang mga pamilya ngayong Semana Santa.

with reports from Hadji Mhor Sara/UB-Intern