BINATBATAN FESTIVAL TI VIGAN ITAMPOK ITI KINAMANAGPARTUAT, KINAARTISTIKO DAGITI TATTAO

April 29, 2023 Headlines

SIUDAD TI VIGAN, Ilocos Sur

Iti Binatbatan Festival of the Arts wenno piesta ti arte ti siudad ti Vigan, Ilocos Sur, kas ipamatmat ti nagana, ket mangipakita iti kinamanagpartuad ken kinaartistiko dagiti tattaona – dagiti Bigueno, manipud Abril 28 agingga Mayo 5. Imbaga ni Edred Piamonte, pangulo iti City Events, Promotions, and Protocol Office nga, “Panggep iti Vigan Binatbatan Festival of the Arts nga ipakita iti kinamanagpartuad ken kinaartistiko dagiti Bigueno nga iyampok iti Abel.”

Impaganetgetna pay nga daytoy a panagrambak ket para iti amin nga umili iti siudad ti tawid.
“Pangngaasiyo ta dikay ilaksid dagiti bagiyo, daytoy nga piesta ket para iti amin nga adda iti Vigan,” kunana. Iti selebrasion ket mangrugi iti maysa nga engrande a pannakaisayangkat iti Ciudad de Vigan Pasaporte de Turista ita Biernes, Abril 28. Iti nasao a pasaporte ket maited kadagiti turista a bumisita ti siudad, a sadino ket makagun-odda iti gunggona baeten kadagiti “stamps” a makolektda baeten ti panaggatangda kadagiti produkto ken panangusar kadagiti serbisio.

Imbaga ni Piamonte nga amin nga aktibidad ket maikonsidera a kas tampok iti Vigan Binatbatan Festival a saan laeng nga iti street dancing competition iti pokus. Karaman dagiti sabali nga aktibidad iti selebrasion iti Food and Trade Fair sadiay boardwalk ti siudad, Abel Development Product Expo, Art in the Park, ken Vigan Dance Festival 7 idiay Plaza Burgos iti maika-29. Iti maika-30 ti Abril, addaan iti photography and video competitions, iti Black and White Photography
Exhibit idiay Calle Crisologo, ken iti Recycled Materials and Abel Ramparade.

Mainayon pay, dagiti aktibidad inton Mayo ket karaman iti Vigan Damili Jar Painting Competition, Abel Iloco Fashion Show, Kalesa Parade, Reynas de Mayo Coronation Night, ken Binatbatan Street Dancing Showdown Competition ken dadduma pay. Kabayatanna, inbinglay ni Piamonte nga iti
“Binatbatan” ket timmaud manipud termino nga Iloco nga “agbatbat” nga isu’t umuna a proseso iti panagaramid iti maysa kadagiti produkto ti siudad, iti Abel Iloco.

(ATV-PIA Ilocos/PMCJr.-ABN)