BOTANTE TI PANGASINAN DIMMANONEN ITI 2 MILION

July 31, 2021 Headlines

SIUDAD TI DAGUPAN – Iti populasion dagiti botante iti Pangasinan ket dimmanonen iti nasurok a 2 milion maibasar iti kaudian a bilang ti nagparehistro, sigun iti Commission on Elections (COMELEC).
Kinuna ni Provincial Election Supervisor Marino Salas nga nupay adda pandemia iti COVID-19, iti bilang ti nakarehistro a botante ket dimmanonen iti 2,036,199 agingga Hulio 19, 2021, maysa nga iyaadu a dandani 90,000 kas maidilig iti 1,946,682 a rehistrado iti eleksion idi 2019.
“We have breached the 2- million mark and madadagdagan pa ito because registration is until September 30,” kuna ni Salas bayat iti programa a Tongtongan ed PIA, idi Mierkoles, Hulio 28.
Kinuna ni Salas nga iti panag parehistro dagiti botante ket nagbalin a narigrigat gapu iti pandemia nga iti Commission ket saan laeng nga maseknan maipapan iti pammaregta kadagiti ad-adu pay a tattao nga agparehistro ngem kasta met iti panangsalaknib iti salun-at ken kinatalged dagiti agparehistro ken dagiti personnelda.
“COMELEC devises various means and methods for lesser possibilities of transmission of the virus while still doing our mandate,” innayonna.
Kinuna ni Salas nga inyussuat ti COMELEC iti mobile application kadagiti 18 nga munisipalidad ti Pangasinan a tinukoy iti commission kas pilot areas ken saan a kasapulan iti internet connectivity.
Kinuna ni Salas nga ipatungpal met ti COMELEC dagiti limitasion iti bilang dagiti tao nga mapalubosan iti uneg ti opisina bayat iti panagpila iti certificates of candidacy inton Oktubre 2021.
Kinunana nga ur-urayenda pay dagiti ultimo a regulasion iti panawen iti panagkampania manipud iti COMELEC head office para iti eleksion ti Mayo 2022.
“Defintely may mga pagbabago (ng rules) and we will ensure that minimum health standards will be followed during the filing and campaign period and even in the canvassing,” innayonna.
Indagadag iti Comelec supervisor dagiti kualipikado a botante nga agparehistro babaen kadagiti saba-sabali a plataporma ken saan nga urayen iti Setiembre 30, 2021 a deadline tapno maliklikan iti atiddog a pila ken karibuso.
(VHS- PIA Pang./PMCJr.-ABN)