Coronavirus Latta!

Naimbag a malem, agsapa, wenno rabii yo amin kakaarruba, gagayyem ken kaginginnura hehehe…sapay la koma ta napia kay latta a kanayon nangruna kadagiti sukimi iti ABN READERS….Mag-an kayo met kadagiti luglugar yo…? Kumusta metten ti biag tayo kailian…

Nakibur ti kaaduan a nasion gapu iti corona virus a nagtaud idiay tsina.. uray iti pagilian tayo a Pilipinas nariribukan dagiti maseknan gapu iti nasao a virus. Naibilin kadagiti amin a sanga ti gobierno ken agingga kadagiti local government unit ket naibilin a mangaramid da iti measures wenno adding tapno malapdan ti panagraira wenno panagwaras ti nasao a virus iti luglugar wenno masakupanda.

Iti siudad ti Baguio Kayong Angkuan, adda dagiti naisingasing a maitantan nga aktibidad iti siudad ngem adda met dagiti saan nga inayonan ti agdama nga Ama ti siudad. Kas koma iti pannakaisardeng koma ti night market.

Kadagiti sabali a pagilian, nangilatangdan iti gatad para iti prevention iti nasao a virus. Bayat a sursuraten tayo daytoy a kolum tayo adda nasagap tayo a kaudian a damag wenno update iti nasao a virus outbreak nangruna iti pagilian a China nga addan 1,500 a pimmusay nationwide ken adda met 5,090 kabarbaro a kaso iti nasao a sakit.

Gapu iti daytoy ad-adda manen a naalarma ti world health organization gapu iti daytoy.. Ngem, ala…kabayatanna, Kayong Angkuan..kas iti intay impalnad iti napalabas a kolum tayo..nadakamat tayo met dagiti rumbeng nga aramiden tayo tapno ma-preventaran ti nasao a makapatay a virus. Kas koma iti panagdaldalus.

Agugas wenno agsabon a nasayaat…agusar iti alcohol ken dadduma pay a balakad. Nakibur ti sangakapagilian ken sangalubongan iti daytoy a virus ket adu kadagiti rumbeng koma nga asikasuen ti gobierno ti naliwayanda manen…adda payen dagiti agkuna a CORONA VIRUS MANEN..wen kailian ta adu ti nalibtawan manen a trabaho ken nasken a tamingen dagiti maseknan ..Maisabali tayo man kailian. Iti sabali man met nga isyu.

Ammok nga ammoyon daytoy..ti panangwaswasen ti Pilipinas iti ibagbagada a panagkadua ti Estados Unidos ken Pilipinas iti military exercise..gapu iti daytoy, saan ngata a maapektaran ti panaggayem ti kabilgan a pagilian ken Pilipinas..?

Ala, sapay la koma ta ditay to mairubo iti daytoy..kayatko a sawen, saan tayo nga agparikut maipapan iti panangsalaknib iti pagilian tayo no bilang ta adda agpanggep a mangsakup kadatayo…ta aklonen tayo man wenno saan, saan tayo a kabaelan ti makigubat iti sabali a nasion.

Ania’t makunam, Kayong Angkuan..Malagip yo kadi ti Marawi segue wenno panangagaw dagiti rebelde iti nasao a siudad? Nabayag nga control ti siudad manipud kadagiti kabusor..kayatna a sawen nagbassit a grupo narigatanda pay..kasanun no sabali a nasionen ken nabilbileg ti armasda ngem kadatayo?

Nupay kunada nga adda modernization ti armas ti Pilipinas marigatan tayo pay laeng a mangsaranget iti agpanggep a mangsakup kadatayo nangruna no awan tumulong kadatayo a kaalyado tayo a pagilian. Ala, Kakayong..ibatimin daytoy a saludsod kadakayo..sapay la koma ta awan ti agpanggep a mangsakup manen kadatayo a kas idi sinakup ti kastila ken hapon ti pagilian tayo..

Ala, kakayong ken kaarruba…naimasan tayo manen ti nagsasarita ket nalipatak manen tay pagatgatang ni Sofing kaniak…till we meet again….tsuptsup muahmuah..

Sirmata ken Tagtagainep ni Mang Gusting

Amianan Balita Ngayon