DA NANGILATANG ITI P822M PARA KADAGITI BIKTIMA NI ‘MARING’

Headlines

SIUDAD TI BAGUIO – Nagduduma nga ibaballaet tapno tulongan dagiti mannalon ken mangngalap a naapektaran ti Severe Tropical Storm Maring iti mabenepisiaran manipud iti umuna a PhP822 milion a pondo ti Department of Agriculture (DA).

Naapektaran ti nakaro a bagyo dagiti mulmula, dinguen, ken produkto nga ikan, kaaduan sadiay Amianan a Luzon, nangnangruna iti Rehion ti Ilocos, Cagayan Valley, ken Cordillera Administrative Region (CAR).

“We will continue to provide our typhoon and flood affected farmers and fisherfolk in Northern Luzon and other areas with immediate aid and a much-needed assistance to recover and start anew after the damage and loss in their livelihood and income,” kuna ni Agriculture Secretary William Dar isi Huwebes (Oktubre 14).

Karaman kadagiti tulong iti PhP650 milion a nailatang para iti probision ti emergency loans para kadagiti naapektaran a mannalon ken mangngalap iti sidong ti SURE Calamity Loan Assistance Program babaen iti DA-Agricultural Credit Policy Council (ACPC). Tunggal naapektaran a sangakabbalayan ket mabalin a bumulod iti PhP20,000 nga awan interesna, awanan collateral, ken mabayadan iti uneg ti 10 a tawen.

Malaksid iti agricultural loan, nangilatang ti DA iti PhP172 milion iti sidong ti Quick Response Fund (QRF) para iti rehabilitasion kadagiti naapektaran a lugar iti tallo a rehion.

“These interventions are over and above the regular assistance provided by the DA to farmers and fishers affected by typhoons and other natural calamities,” kuna ni Dar. Kabayatanna, nakasaganan a maibunong dagiti 169,000 bags iti certified rice seeds, 16,600 bags iti certified corn seeds, 1,480 kilograms iti nadumaduma a vegetable seeds, agas ken biologics para iti livestock ken poultry, ken bayad para kadagiti naapektaran a mannalon ken mangangalap manipud Philippine Crop Insurance Corporation (PCIC).

Agingga Huebes (Oktubre 14), iti napattapatta a dadael iti agrikultura iti CAR, Ilocos Region, Cagayan Valley, Central Luzon, Bicol Region, Western Visayas, ken Central Visayas ket dimmanon iti PHP979.97 milion, apektado iti 35,429 mannalon ken mangngalap, nga iti nalugi a produksion ket 59,514 metric tons ken 52,132 ektaria iti kataltalonan.

Karaman a naapektaran a produkto ket bagas/palay, mais, high-value crops, dinguen, ken piskeria. Dagitoy a balor ket maisidong iti pammasingked.

Naisalbar a produksion
Gapu it nasapa a panagmula ken panagani, agarup 60 porsiento iti wet season rice crop ket naapiten. Naballaagan dagiti mannalon nga isalbar dagiti mulada ken dinguenda, kasta met panagapit kadagiti natangkenanen a mula, panages-es iti taltalon tapno maliklikan iti panaglayos, panangyakar kadagiti dinguen iti nangatngato a lugar, ken panagarbas kadagiti agbunga a kaykayo, ken dadduma pay a kasapulan a panagannad.

Kinuna ti DA nga nasurok a PhP2.86 bilion a gatad ti bagas ken mais iti naisalbar gapu iti nasao a nasapa nga sistema ti pakdaar.

Para iti bagas, agarup 141,635 metric tons nga aggatad PhP2.08 bilion idiay Ilocos Region ken Cagayan Valley iti naapit, bayat a dagiti mannalon ti Cagayan ket naisalbarda iti 55,654 metric tons nga aggatad PhP779.15 milion.

(CC-PNA/PMCJr.-ABN)