DOH MANANGDAN ITI NASUROK 500 A NARS PARA ILOCOS

September 3, 2022 Headlines

SIUDAD TI BAGUIO – Ikeddeng iti Department of Health – Center for Health Development (DOHCHD) 1 (Ilocos) a manangdan iti nasurok 500 a nars tapno mapabileg pay iti vaccination drive iti rehion. Iti maysa a programa idi
Huwebes, imbaga ni DOHCHD-1 Director Dr. Paula Paz Sydiongco nga 250 nars iti maibaon sadiay Pangasinan
ken dagidiay nabati para iti Ilocos Sur, Ilocos Norte, ken La Union.

“Ito ay tulong mula sa DOH (Tulong daytoy manipud iti DOH),” kuna ni Sydiongco, nga innayonna nga nangilatang
ti departamento iti PhP111 milion iti rehion tapno manangdan kadagiti baro a nars. Maipasidong dagiti nars iti
maysa a contract of service. Maipalagip nga nangibaon iti DOH-CHD-1 iti ad-adu pay a vaccinators idiay
Pangasinan ken La Union tapno mapabileg iti kampania iti panagbakuna iti rehion.

Immuna nga imbaga ni Glen Ramos, DOH-CHD-1 media relations officer, nga dagiti amin a job order nurses iti regional office ket naibaonen kadagiti komunidad kas kanayonan “Naala dagiti LGUs (local government units) dagiti volunteer vaccinator tunggal pakasapulan iti komunidad,” kuna ni Ramos iti maysa nga interbiu iti telepono idi Huwebes. Imbaga na a dagiti LGU, babaen kadagiti health personnelda, ket agtultuloy nga iturongda dagiti eskediul ti panagbakunada ken panangkamakam kadagiti amin a pamay-an tapno maipaay iti publiko dagiti kasapulan a booster shot.

Puntiria iti DOH-CHD-1 iti vaccination rate a 90 porsiento para senior citizens tapno makompleto iti umuna ken maikadua a dose ken panggepen a mangipaay iti booster shots agingga 50 porsiento kadagiti agtawen ti 12 ken agpangato a target population, para it umuna a 100 aldaw ni Presidente Ferdinand Marcos Jr. inton Oktubre 8.
Naiyussuat idi Hulio 26, iti “Pinaslakas” ket maysa a panagyun-una iti DOH tapno mapapigsa iti sapasap a booster vaccination program kalpasan iti direktiba ni Marcos nga ingato iti bilang dagiti Filipino nga maikkan iti coronavirus disease 2019 (Covid-19) booster shots tapno matulongan a mangtalinaed iti pader ti imiunidad iti pagilian.

Agingga Setiembre 1, agarup 3.8 milion nga agindeg iti rehion ti Ilocos naan-anayen ti doses da, bayat a 1.1 milion iti nakaawat iti umuna a booster shot, buklen iti 87.74 a porsiento ken 26.45 a porsiento iti target populations, sigun ti panagsasarunoda. Agarup 445,781 senior citizens, wenno 83.97 a porsiento iti puntiria, iti nakaawat iti naan-anay a
dose ti bakuna.

Kabayatanna, itultuloy ti DOH-CHD-1 a mangdangadag kadgiti agindeg nga agpabakuna iti booster shot para salaknib kontra iti Covid-19. Impagapu ni Sydiongco iti ngumatngato a bilang iti kaskaso ti Covid-19 iti rehion iti bimmaba nga imiunidad dagiti agindeg ken agkurang a booster shots. “Iti proteksion ti bakuna ket kumapuy kalpasan iti innem a bulan, isu nga kasapulan tayo iti booster shot tapno ingato iti imiunidad kontra virus,” kunana.

(HA-PNA Ilocos/PMCJr.-ABN)