Empleado ti gobierno iti Region 1, nakipaset iti Holy Week

April 15, 2017 Headlines

SIUDAD TI SAN FERNANDO, LA UNION – Rinibo nga empleado ti gobierno iti Region I ti nakipaset iti pananglagip iti passion of Christ idi Martes Santo (Abril 11, 2017), ditoy siudad.
Iti panangidaulo ti Ilocos region office ti Philippine National Police (PNP), ti nakuna nga aktibidad ket naaramid babaen ti re-enactment ti rigat a sinagrap ni Hesu Kristo iti 14 Stations of the Cross.
Kinuna ni Reverend Father Alexander V. Pardo, regional chaplain ti Police Regional Office 1, ti prusisyon ket kaunaan iti Region1 nga inatendaran dagiti amin a mangidadaulo kadagiti lokal nga ahensia ti gobierno karaman dagiti dadduma pay nga empleado a nakipaset iti Lenten Week, aglalo iti daytoy panangawit iti krus ni Kristo ditoy siudad.“The main highlight of the activity is to demonstrate to the community a strong unity of public servant from various government agencies and the oneness in Catholic faith through the participation of personnel and devotees from different public and private sectors as well as the media,” kinuna ni Pardo.
Nangrugi ti prusisyon iti 6am iti sango ti Saint William the Hermit Cathedral aginggana iti main hall ti provincial capitol.
“The representatives from various government agencies were tasked to read the gospel, messages, and prayers of every station of the cross,” kuna ni Pardo.
“As we continue to deepen our faith through our internal cleansing in the government service, the participation in the procession to the Stations of the Cross develop our cooperation and collaboration between the different agencies and organizations,” innayonna pay.
Kalpasan ti prusisyon, indaulo ni Bishop Rodolfo Beltran ti Diocese of La Union ti misa iti sango ti capitol. FGL, PIA-1 / ABN