Empleyado, nakuryente

April 21, 2018 Police Patrol

Nakuryente ang isang empleyado bandang 1:25pm ng Abril 17, 2018 sa Purok 1, Lower Pinget, Baguio City.
Sa imbestigasyon, ang empleyadong si Orlando Luis Peter, 21 anyos, apprentice lineman ng Blesi-Benguet Lineman Electrical Service Incorporation, at residente ng Km. 6 Puguis, La Trinidad, Benguet, ay umakyat sa isang electric post kasama ang isang co-worker na magpapalit ng secondary line ng kawad subalit aksidenteng nahawakan ang primary line na siyang naging sanhi ng kaniyang pagka-kuryente. Nahulog ang biktima mula sa poste at dinala sa Pines Doctor’s Hospital para sa agarang lunas.