FLLAM INDAULONA ITI ‘LAB FOR ALL’ CARAVAN ITI LA UNION, 7K AGINDEG NAGUNGGONAAN

February 9, 2024 Headlines

SAN FERNANDO, La Union

Agarup 7,202 nga agindeg ti probinsia ti La Union iti nagunggonaan iti “Lab for All” (Libreng Laboratoryo, Konsulta, at Gamot Para sa Lahat) caravan nga indauloan ni First Lady Marie Lousie “Liza” AranetaMarcos (FLLAM), a nangipaay iti libre a medikal, legal, ken dadduma pay a serbisio idi Martes (Pebrero 6). Ti proyekto, a panggepna a mangyeg kadagiti serbisio a panangtaripato ti salun-at nga as-asideg kadagiti tattao, ket maysa a produkto ti panunot ni First Lady Liza Araneta-Marcos, a timmabuno kadagiti aktibidad idiay San Fernando City, La Union idi Martes.

“Kung mapapansin po ninyo ang Lab for All program ay hindi lamang tungkol sa pagbibigay ng serbisyo medical. It’s about bringing the much-needed medical services (No madlawyo iti Lab for All a programa ket saan laeng a panangted kadagiti serbisio a medikal. Maipapan dayta iti panangyeg kadagiti kasapulan unay a serbisio),” kinunana iti panagbitlana. Imbaga pay ti First Lady nga iti Lab for All caravan ket paset iti administrasion ti Marcos nga arapaap ti panagkaykaysa iti sidong ti kampania a Bagong Pilipinas ken iti gandat ket possible laeng babaen ti panagtitinnulong ken suporta iti tunggal Filipino.

“The Bagong Pilipinas is a masterplan for genuine development for the benefit of all the people…If we are to thrive as a nation, we should start with ourselves because the government cannot do it alone (Iti Bagong Pilipinas ket maysa
a masterplan para iti pudno a panagdur-as para iti pagimbagan ti amin nga umili…No masapul a rumangaytayo, rumbeng a mangrugitayo iti bagitayo),” kinuna ni Araneta-Marcos. Iti Lab for All caravan ket naangay kadagiti ili ti Bauang, Santo Tomas, Balaoan, ken Bacnotan manipud Pebrero 1 agingga 4 ken iti San Fernando City idi Pebrero 6.

Karaman kadagiti ahensia a nangipaay kadagiti serbisio ket iti Department of Health, Department of Social Welfare
and Development, Technical Education and Skills Development Authority, Department of Trade and Industry, ken iti Public Attorney’s Office. Agarup 45 a saklay (siko ken takiag), 15 foldable walkers, 50 a wheelchair, 15 baston, 200
kits para kadagiti masikog a babbai, food packs, ken tulong a pinansial nga aggatad agingga PhP2,000 iti naiwaras
met. Iti maysa nga interbiu, nagyaman ni Irene Oler iti ili ti Sudipen kada Presidente Ferdinand Marcos Jr. ken First
Lady para iti Lab for All caravan. “Makatulong daytoy iti adu a tattao a di makabael kadagiti serbisio a medikal,”
kinunana.

(HA-PNA Ilocos/PMCJr.-ABN)