FPA IMBILINNA ITI PANNAKAIKKAT KADAGITI SAAN A REHISTRADO, PEKE NGA ABONO

SUIDAD TI LAOAG – Imbilin ti Fertilizer and Pesticide Authority (FPA) iti dagus a pannakaikkat iti dadduma a produkto nga abono iti pagtagilakuan nga saan a nakaragpat kadagiti pagalagadan iti kualidad. Iti kaudian a laboratory analysis nga inkonduktar manipud nagduduma a samples ket naipakita nga iti Turbo Prime 14-4-21, Takada 14-14-14, Will- Grow Granular, Golden Agro Plus, Vine Agro 14-14-14, ken Vine Agro Bulk Blended, ken
dadduma pay, ket saanda pay a naragpat iri kasapulan a pagalagadan maibasar kadagiti kabibiangda a guaranteed
analysis.

Kas resulta, imbaga ni FPA Ilocos Norte officer Noel Tablada idi Mierkoles nga inrekomenda iti central office ti
FPA iti pannakasuspinde iti lisensia tapno makaoperate ken certificate of prodict registrations dagiti lokal nga
agpatpataud kadagitoy a produkto. Karaman ditoy iti Will Agro-Chemical Products Trading, VALAP Incorporated
ken iti Divine Agricultural OPC a nakabase idiay Nueva Ecija, Tarlac ken Quezon City.

Umuna ditoy ket nakaawat iti FPA kadagiti report iti saan a nakarehistro ken peke nga abono nga mailaklako iti nagduduma a lugar iti pagilian. Dadduma kadagitoy ket mailako iti nababbaba a presio ngem kadagiti orihinal ken
rehistrado a katupagda. Adda met iti reklamo maipanggep kadagiti supit ti abono a naempake ken namarkaan iti
espesipiko a grado kas Urea (48-0-0) ngem iti actual a kargana ket naipababa wenno naglalaok nga abono.

“These trading practices happening on the ground is unfair and must be stopped, especially now that the country is grappling with the economic downturn. This is a total disregard for the condition of our farmers and the broad Filipino public, who are now taking the brunt of continued price increases of commodities and inflation (Dagitoy a pamay-an iti panagnegosio nga mapaspasamak iti baba ket di naikalintegan ken nasken a maisardeng, nangnangruna ita nga makidangdangadang iti pagilian iti panagsuek ti
ekonomia.

Daytoy ket talaga a di panangikankano para iti kasasaad dagiti mannalon tayo ken iti nasaknap a publiko, a madama bakbaklayenda iti agtultuloy a panagngato dagiti presio dagiti magatgatang ken inflation),” kuna ni Eric Divinagracia, officer-in-charge iti FPA, nga imbilinna kadagiti amin a regional field units iti FPA nga paliiwenda, tiliwen, kumpiskaren ken idarum dagiti lumablabsing a tattao ken grupo wenno korporasyon tapno mapatawanda iti dusa gapu ti mananggundaway a transaksionda.

Iti biang dagiti manufacturer ti abono, imbalakad ti FPA kadakuada a sumurot kadagiti naikalikagum a pagadalan iti uneg ti dua a bulan wenno maibabawi dagiti lisensiada.

(LA-PNA Ilocos/PMCJr.-ABN)

DRUG RAID

Amianan Balita Ngayon