GOV TI PANGASINAN YAWAGNA ITI AGTULTULOY A PROAKTIBO A PANAGSAGAN TI DIDGRA PARA TI LA NIÑA

August 2, 2024 Headlines

LINGAYEN, Pangasinan

Indagadag ti Probinsial a Gobierno ti Pangasinan kadagiti amin a miembro ti konseho ti disaster risk reduction and management (DRRM), local government units (LGUs), ken agindeg nga agtalinaed a proaktibo iti panagsagang para kadagiti umay a bagyo, a mabalin a mapapigsa iti posibilidad ti La Niña ita Agosto. Inaramid ni Governor Ramon Guico III daytoy nga awag baya titi flag-raising ceremony idi Lunes sadiay Sison Auditorium ti ili ti Lingayen,
nagyaman iti opisina ti Provincial DRRM iti panagreggetna a pagtalinaeden a natalged ti probinsia baya titi Super Typhoon Carina ken iti napapigsa a southwest monsoon wenno habagat.

Imbaga ni Guico a dagiti proaktibo panagregget dagiti opisina ti DRRM ket nagresulta iti sero a natay uray no adda
naireport a panaglayos kadagiti dadduma a minisipalidad. “We are very happy that there were no casualties from the recent Typhoon Carina. However, the rain was very heavy and intermittent. Fortunately, our provincial government employees were proactive in coordinating with LGUs regarding evacuations, equipment, and flood-prone areas,”
kinunana. Kinunana pay a bayat a sumagmamano a pamilia iti naapektuan, dagiti kangrunaan a pakasapulan ket naited kadagiti evacuation cneters.

Iti kaudian a monitoring report ti PDRRMO manipud Hulyo 26 ket naipakita iti dagup nga dadael ti imprastruktura nga aggatad PhP222,500,000, napukaw iti agrikultura a PhP21,764,134.45 ken napukaw iti taraken a PhP2,805,260.
Impaganetget ni Guico iti pakasapulan para iti agtultuloy a monitoring ken panangpasayaat iti disaster preparedness measures tapno maipasigurado iti kinatalged ken kinaandur ti probinsia. Indagadag na met iti publiko a pagtalinaeden a nadalus ti komunidad tapno malapdan iti panaglayus, a impaganetgetna iti umiso a panangaywan tib asura ken regular a panagdalus tapno maliklikan iti pannakabara dagiti drainage systems ken mapababa iti peggad ti layus.

Binalakadanna iti publiko a sumurot iti pre-emptive evacuation orders manipud kadagiti barangay wenno LGU.
“Do not resist the evacuation. We must follow their instructions immediately because they know what’s best; they have been trained for such situations, and there are prepared evacuation centers for our fellow citizens,” kuna ni Guico said iti maysa nga interbiu. Indagadagna met iti publiko nga agtultuloy a monitoring iti kasasaad ken ipangruna nga agalerto kabayatan dagiti didigra. Iti kaudian a monitoring ti Philippine Atmospheric, Geophysical, and Astronomical Services Administration (PAGASA), addaan70 porsiento tsansa La Niña forming ita Agosto, Setiembre, ken Oktubre 2024, a mabalin nga agtultuloy iti kasasaad agingga first quarter ti 2025.

(EMSA PIA Pangasinan/PMCJr.ABN)