HEI’S ITI ILOCOS NORTE, SUR BINILIN TI CHED A GUN-ODEN ITI KAPIA PARA ITI PILIPINAS

August 22, 2021 Headlines

SIUDAD TI LAOAG – Insayangkat iti Commission on Higher Education (CHED) ti Region I iti maysa a Peace Education Project para nasurok a 260 higher education institution (HEI) students manipud kadagiti probinsia ti Ilocos Norte ken Ilocos Sur idi Agosto 17.
Mayangkla iti mandato ni Presidente Rodrigo R. Duterte nga ibusannen iti insurhensia, nakikadua iti CHED iti Philippine Information Agency (PIA), National Task Force to End Local Communist Armed Conflict (NTF-ELCAC), Department of Justice (DOJ), ken ti National Intelligence Coordinating Agency (NICA) para iti nasao nga aktibidad tapno itandudo pay iti Executive Order No. 70 ti Presidente.
Kinuna ni CHED-I Regional Director Rogelio Galera nga panggep met iti peace forum nga patibkeren iti pannakaipatungpal ti integrasion iti peace studies iti kurikulum, iwanwan iti CMO 1, Series of 2019 napauluan a “Integration of Peace Studies/Education into the Relevant Higher Education Curricular.”
“Our hope to make our youth as agents of peace is very much alive… We, at CHED and our partners, will do our best to protect you and your institutions against recruitment and radicalization by any or all terrorist organizations,” kuna ni Galera.
Kabayatanna, imbaga ni LTC Mario Jose Chico iti NTF-ELCAC kadagiti estudiante, “the best antidote to the deceptive recruitment of the CPP-NPA is awareness. Kaya ang ating effort is continuously informing the public.”
Nangipaay ni Chico ti orientation panggep iti naaramidan ti NTF-ELCAC a maikkan bileg dagiti umili iti probinsia babaen iti Barangay Development Program (BDP).
“Ang ating adhikain dito is to alleviate the poor plight of our people para hindi na sila maagitate kasi kung wala na ang mga socio-economic concerns sa kanilang barangay, mas mahihirapan na ang mga CPP-NPA-NDF na ma-recruit ang ating mga kababayan,” kuna pay ni Chico.
Bilang mangidangdangulo iti Strategic Communications Cluster of RTF-ELCAC I, inraman ni PIA Asst. Regional Director Freddie Lazaro iti pannakitinnulong dagiti estudiante a kumuyog iti kampania kontra komunismo, a tinukoyna nga maysa kadagiti tay-ak para iti panangawis dagiti makakannigid a grupo ket iti akademia.
“As college students, you have a role in ending the local communist armed conflict because you are the ‘main clients’ of recruitment by these groups,” kuna ni Lazaro. Nagpatingga iti peace forum iti maysa nga ababa a sasao manipud kenni Engr. Angelica Dolores, OIC Supervising Education Program Specialist at CHED-I, nga inadawna iti maysa a nalatak a sasao manipud maysa Amerikano nga aktor.
“Sab inga nila, ‘Education is the vaccine for violence.’ Napapanahon ngayon ang vaccine. But this time, to end violence, we also have a vaccine which is education,” kuna ni Dolores.
(MJTAB-PIA IN/PMCJr.-ABN)