Hiling sa new truck ban exemption, susuriin sa konseho
LUNGSOD NG BAGUIO – Inaasahan ang pagpasa ng rekomendasyon Committee on Public Utility, Transportation and Traffic Legislation ng konseho ng lungsod upang tugunan ang hiling sa pagkakaroon ng provisional exemption sa truck ban ng Baguio matapos ang isinagawang public hearing.
Pinangungunahan ni city Councilor Benny O. Bomogao na chairman ng naturang komite, ang rekomendasyon ay agad ipapasa upang mapag-usapan ng konseho sa regular na session nito sa Hulyo 3.
Ang City Ordinance No.05, series of 2017, o new truck ban ordinance, ay nakatanggap ng pagtuligsa mula sa mga truckers sa Benguet, lalo na ang mga nagdadala ng gulay at mga bulaklak, na naapektuhan ang pagbibiyahe ng kanilang mga produkto.
Kabilang sa hiling ng mga ito na baguhin ang exemption sa truck ban at oras na pwedeng magbiyahe kasali na rito ang bagong ruta na pwede nilang daanan.
Ayon kay Bomogao, dahil sa lumolobong populasyon ng Baguio ay dumarami rin ang mga sasakyan at sumisikip ang kalsada lalo na kung may mga truck na kasabay sa rush hours na nagdudulot ng mabigat na trapik.
Kabilang sa exemption ang water delivery, fire trucks, rehistradong truck ng gobyerno, heavy equipment vehicles, trailers na di aabot sa 4,500 kilograms. Ang oras ng truck ban ay mula 6am hanggang 9am at 4pm hanggang 9pm.
Ngunit hiling ng ibang sektor na iklian ang ban at gawin itong 6am hanggang 8am at 6pm hanggang 8pm lamang.
Iminungkahi ni Bomogao ang bagong ruta ng mga truck mula sa Palispis-Aspiras Highway na dating Marcos Highway- Junction sa Suello Village at Kennon Road- Junction sa Montecillo Road Camp 7 at Loakan Road-Junction ng Camp John Hay gate 2 Ordunio Drive at Leonard Wood Road, Pacdal Circle katabi ng BCPO Station 3, City Limit Bell Church km 3, Ninoy Aquino Highway (Halsema) at Quirino Highway dating Naguilan Road- Junction of San Carlos, Irisan Baguio City.
Hiling naman ng mga vegetable driver at cutflowers truck drivers ang full exemption para hindi masira ang mga produkto nila lalo na kapag kasagsagan ng masamang panahon.
Pag-uusapan pa ng konseho ng Baguio ang naging pahayag at kahilingan ng iba’t ibang sektor kasali na ang halaga ng multa bago aprubahan ang mga ito. Aubrey Balindan, UC Intern
DILG suspends Kalinga governor for 6 months
June 18, 2017
