Ili ti Ilocos Sur naipasidong ti MECQ

December 7, 2020 Headlines

TAGUDIN, Ilocos Sur – Daytoy a munisipio ket naisubli iti modified enhanced community quarantine (MECQ) iti tengnga ti kellaat nga panagngato ti kaskaso ti confirmed coronavirus disease 2019 (COVIS-19).
Babaen iti Executive Order (EO) No. 46 series of 2020, naipasidong iti MECQ ti ili manipud Nobyembre 30 agingga Disiembre 14 malaksid no maikkat wenno maibabawi nga nasapsapa.
“Twelve out of the 22 recorded cases in the province came from the municipality of Tagudin with just a period of five days not to mention that other active cases had recorded travels in the same municipality,” nakuna iti EO. Nainayon pay, “The abrupt increase of positive cases from the municipality of Tagudin and the confirmation of local transmission alarmed the medical team of Ilocos Sur hence, recommended the reclassification of the status of the said local government unit from modified general community quarantine to MECQ in order to contain the virus.”
“Using various indicators like case doubling time of the disease and other health indicators, economic and social security, there is a need to reclassify the present status of the municipality of Tagudin in order to have more stringent quarantine restrictions,” naikuna pay. Maysa a curfew manipud alas 8:00 ti rabii agingga alas 5:00 ti agsapa iti naipataw sadiay munisipalidad tapno malimitaran ti panaggaraw dagiti tattao.
Sakbay daytoy, improklamar ti gobierno ti probinsia ti Ilocos Sur iti maysa a public advisory nga mangibagbaga nga iti Ilocos Sur District Hospital sadiay Tagudin ket maibaba iti kapasidad ti operasionda nga nangrugi idi Nobiembre 27.
Iti Emergency Room ket nakalukat 24/7 ngem amin a pasiente nga agkaspulan nga ma-admitar ket mai-refer iti sabali a government health facilities kas maibilang a maitutop. Daytoy ket tapno mapalubosan ti naan-anay a panangikkat iti kontaminasion ken testing dagiti empleado, kinuna ti advisory.
Kabayatanna, tinignay ni Tagudin Mayor Roque Verzosa Jr. iti makuna a “COVID busters” tapno madis-impekta dagiti barangayda kada alas 3:00 ti malem. Improklamar pay ni Mayor Verzosa iti EO no. 70 series of 2020 nga mangited iti kanayonan a pagannurotan para iti panakaipatungpal ti MECQ iti munisipalidad.
Gapu iti ingangato ti kaskaso ti Tagudin, nangiproklamar met ni Alilem Mayor Velmor Sumabat iti maysa a public advisory idi Nobiembre 24 nga mangisingsingasing ti temporary travel restriction kadagiti iturayanna iti Yellow Market, JTC Supermarket ken Zeny’s Supermarket, amin idiay ili ti Tagudin.
Kinuna ni Mayor Sumabat nga maipaay ti panggep nga panaggatang kadagiti napateg a produkto, amin (puera dagiti makinkua ti pasdek) ket maiparit nga mapan kadagiti nakuna a luglugar manipud Nobiembre 25 agingga Disiembre 9, 2020 wenno agingga dagiti resulta ti RT-PCR iti amin a close contacts dagiti confirmed COVID-19 cases ket rimuaren.
Binalakadanna dagiti umili nga mapan idiay Bangar Market wenno Sudipen Market para iti pareho a panggep, nga addaan panagtulnog iti travel documents ken protocols ti probinsia ti La Union.
Iti agdama, addaan agadup 126 confirmed COVID-19 cases iti probinsia ti Ilocos Sur nga 28 iti aktibo, 97 iti ummimbag ken maysa iti natay.
AMB-PIA IS/PMCJr.-ABN