Ili ti La Union pinaregtana ti pateg ti panagbasa

December 7, 2019 Headlines

BACNOTAN La Union – Gapu iti panggep nga paregtaen iti kinapateg ti edukasion kadagiti agad-adal ti komunidad, insayangkat ti local government unit (LGU) iti Bacnotan iti selebrasion ti 6th Reading Month nga addaan tema:“Magbasa’t Umunlad” idi Nobiembre 29.
Sigun iti LGU nga nangirugi iti programa idi 2014, iti ili laeng ti Bacnotan sadiay La Union ti agselselebrar iti panagbasa kas maysa a suporta kadagiti agad-adal nga marigatan iti nasao nga banag. “This banner program of the present administration has garnered awards nationally and has helped numerous students to read and excel in their studies,” kuna ni Vice-Mayor Divina Fontanilla kabayatan iti panagleppas iti programa.
Maysa pay, kinunana pay nga iti makapadanag nga bilang dagiti agad-adal nga maibilbilang a “non and poor readers” ket nangiturong iti panakapasdek kas institusion iti programa itiili ti Bacnotan.
“The LGU extends its appreciation to the teachers of the Department of Education (DepEd)-Bacnotan District for embracing this project and molding our children to be better learners in the community,” innayon ni Fontanilla.
Kas paset iti selebrasion naaramid met iti Iloko, Filipino and English language poem recitations, chorale reading and jingle reading, vocabulary building, and essay writing competitions para kadagiti elementary ken high school students, ken maysa nga Iloko Big Book crafting contest para kadagiti mannursuro. Sangapulo ket pito nga public ken private schools iti daytoy nga ili iti nakiraman iti nasao nga selebrasion ket nakaawat dagiti nangabak iti certificates of recognition ken medalia kabayatan iti awarding ceremonies nga napasamak sadiay Bacnotan Central School.
Kanayonanna, impakaammo ni Fontanilla nga nangtangdan iti Local School Board (LSB) iti walo nga mannursuro tapno mamatmatan laeng iti abilidad dagiti estudiante nga agbasa ken agsurat. Dagiti sueldo iti mannursuro ket aggapu iti pondo ti LGU.
Babaen iti daytoy nga aramid, iti ili ti Bacnotan ket maysa a “three-time national award recipient” iti Synergia Foundation’s Seal of Good Education Governance ken maysa nga pammigbig para iti National Literacy.
“Reading is power, and the ability to read and the ability to write is a lifelong learning skill,” kuna ni Fontanilla.

AHFF/PIA1/PMCJr.-ABN