ILI TI NARVACAN INYUSSUATNA ITI KAUNAAN A DIGITAL ‘PALENGKE’ APP TI PILIPINA

May 1, 2022 Headlines

SIUDAD TI NARVACAN , ILOCOS SUR – Inyussuat iti lokal a gobierno ti Narvacan iti Ilocos Sur idi Huebes (Abril 28) ti baro a digital palengke app nga inyam-ammo daytoy iti cashless transactions kadagiti umili nu mapanda iti tiendaan ti publiko.
Imbaga ni Narvacan Mayor Luis “Chavit” Singson nga iti digital palengke application ket pangrugian laeng a mamagbalin iti ilina a moderno nga ar-arapaapenna daytoy a makidanggay kadagiti narang-ay a pagilian iti asideg a masanguanan.
“Diak kayat a mabati kayo no mainaig iti panagrang-ay iti teknolohia ken irarang-ay ti ili tayo,” kinuna ni Singson kadagiti iturayanna bayat iti maysa a simple a programa a naaramid sadiay baro a Farmers Market, iti kadakkelan a merkado publiko iti Ilocos Sur.
Mangnamnama ni Singson nga bayat a mairuam dagiti tattao iti digital market app, nga mabalin a ma-download babaen ti Google Play wenno App Store, ad-adu pay nga oportunidad ti negosio iti mapatanor sadiay Narvacan iti maysa a tignay nga agturong iti nadur-as a teknolohia ken economically smart city.
Bayat a maidem-demonstra iti nadaras ken simple nga addang a suroten iti panagusar iti app, imbaga ni architect Richelle Louise Singson iti Luis Chavit Singson Group of Companies nga iti app ket paandaren ti Union Bank nga addan 15,000 a residente ti nakarehistro agingga panakisyussuatna.
Tapno matagiragsak dagiti benepisio iti cashless transaction, imbaga ni Singson a kasapulan laeng dagiti umili nga i-download iti digital palengke app online, suratan iti porma, ag-selfie, ken i-upload daytoy kadwa iti maysa a government issued valid identification card.
Bayat iti panakayussaut, iti agdama a Miss Universe Harnaaz Sandhu, kasta met, nagserbi a kas espesial a sangaili para iti pasamak.
Idi Marso, inawis met ni Singson ni Presidente Rodrigo Roa Duterte tapno mangiyussuat iti baro a moderno a Narvacan Market, nga ita ket naisaadan iti namaris adancing fountain nga mangallukoy iti ad-adu pay a bisita iti lugar.
Bayat a maawis iti amin sadiay Narvacan, pinalagipan dagiti lokal nga opisiales dagiti bisita nga surotenda iti minimum public health standards.
(LA-PNA Ilocos/PMCJe.-ABN)