Ilocos Norte agtaltalinaed nga awanan-ASF

March 9, 2020 Headlines

SIUDAD TI LAOAG, Ilocos Norte – Agtaltalinaed nga awanan kaso ti African swine fever (ASF) iti probinsia iti tenga ti panagwaras daytoy kadagiti sabali a probinsia ti Makaamianan a Luzon.
Iti ASF ket maysa a nakaro nga viral disease nga apektaranna iti domestic ken wild pigs nga isu’t makagapu iti nakaro a pannakalugi iti produksion ken ekonomia.
Kinuna ni Dr. Loida Valenzuela, provincial veterinarian, itultuloy ti Provincial Veterinary Office iti panang monitorda kadagiti pasilidad ti panagtaraken iti baboy.
Kasta met, inallukoyna iti pannakitinnulong dagiti kapitan ti barangay nga ipasigurado nga dagiti pamayan tapno malappedan iti nasao nga sakit ket maaramid.
“Saan tay bassit agiserrek iti baboy, karne iti baboy, wenno produkto a karne ti baboy manipud kadagiti lugar nga addaan ASF. Ti probinsia ti Pangasinan, Isabela, Benguet, Kalinga, Nueva Ecija, Tarlac, Aurora, Pampanga, Bulacan, Bataan, Quezon City, Malabon, Navotas, Cavite, Quezon, ken Camarines Sur ket addan nairekord a kaskaso ti ASF kadagitoy a lugar,” kuna iti provincial veterinarian.
Malaksid iti panaggatang laeng manipud kadagiti ASFfree a farm, impalagip ni Valenzuela kadagiti agtartaraken ti baboy nga saanda nga pakanen iti swill nga addaan karne ti baboy dagiti tarakenda a baboy.
“Do not feed swill from carinderias, restaurants, hotels, and resorts, and even table food scraps if pork is present. Plant-source swill is okay as long as it is cooked for 30 minutes at 30 degrees Celsius(saanyo nga pakanen iti arasaw manipud kadagiti carinderia, restaurant, hotel ken resort, ken uray dagiti tedda nga makan nu addaan daytoy iti karne ti baboy. Mabalin iti swill manipud mulmula ngem nasken nga maluto iti 30 minutos ken 30 degrees Celsius),” innayonna.
Maawagan dagiti komunidad nga ireportda iti aniaman nga baro a sasangbay iti baboy iti barangay ken ireport iti aniaman nga karkarna a pannakatay dagiti baboy.
“Ireport ti aniaman a nakana a panagsakit ken ipapatay dagiti taraken tayo tapno maisayangkat a dagus ti pannakaimbestiga ti kaso dagiti taraken ket maalaan iti dara ket maanalisar iti laboratory,” kuna ni Valenzuela.
Iti naparegta nga implementasion ti quarantine guidelines, document compliance of shipments, surveillance sampling, ken disease investigation ket maar-aramid met tapno masalakniban iti probinsia kontra iti posible a iseserrek iti naapektaran a produkto ti baboy.
Itultuloy iti gobierno ti probinsia ti Ilocos Norte nga agtalinaed nga saan nga maapektaran ti ASF iti probinsia.
Maallukoy iti umili nangruna dagiti agtartaraken iti baboy nga kanayonda nga linisen ken idisinfect iti aglawlaw dagiti baboy.
 
MJTAB-PIA-IN/PMCJr.-ABN