ILOCOS REGION PAPIGSAENNA ITI DEPENSA TI BEDDENG TAPNO MALAPDAN ITI PANAGPUSLIT TI ILIGAL A DROGA

August 31, 2024 Headlines

SIUDAD TI SAN FERNANDO, La Union

Nangipasdek iti Rehion ti Ilocos iti maysa a Seaport Inter Agency Drug Interdiction Task Force (SIADITF) tapno
tumulong a malapdan dagiti iligal a droga a sumrek babaen kadagiti aplayana. Nabukel iti task force babaen iti maysa a napirmaan a memorandum of agreement (MOA) idi Agosto 28 a karamanan iti Philippine Drug Enforcement Agency (PDEA), Philippine Ports Authority (PPA), ken dagiti miembro iti Region 1 Inter-Agency
Committee on Anti-Illegal Drugs (ICAD) sadiay PPA Training Center ditoy tapno papigsaen iti panangsalaknib iti
pagbeddengan ti Rehion 1.

Ti pannakaaramid iti SIADITF ket maibangon iti Seaport Interdiction Unit (SIU), a naipasdek idi 2017, tapno ad
adda pay a pabilgen dagiti panagregget a manglaban kontra iti panaglako iti iligal a droga iti rehion. Maysa a seaport
interdiction training para iti 56 inter-agency personnel manipud Agosto 28 agingga 30 a makatulong met a mangpapigsa iti abilidad a mangipatungpal iti anti-drug campaign ti rehion kadagiti puerto ken igid ti baybay daytoy. Dagiti isu met laeng a personnel ket maipuesto kadagiti agdama a SIUs iti puerto ti Sual iti probinsia ti Pangasinan ken puerto ti San Fernando City iti La Union.

Iti interdiction (panangiparit) ket maysa a termino iti anti-illegal drugs campaign a tumukoy iti tignay a manglapped iti panaggaraw iti maysa a maiparit a produkto. Daytoy a panagtitinnulong tapno malapdan dagiti iligal a droga ket paset iti kari ti PDEA eight point economic agenda ni Presidente Ferdinand R. Marcos Jr., nga agpokus iti
panangsigurado iti kinatalged ti publiko, ken seguridad. Imbaga ni PDEA Assistant Secreatry Israel Ephraim Dickson nga iti panangbukel ti SIADITF babaen iti panagpirma iti maysa a MOA ket iyanninawna ti nagkaykaysa a panagregget dagiti miembro nga ahensia tapno mapasardeng iti panagwaras dagiti iligal a droga.

“Napateg iti maysa nga integrado a pamay-an iti panangparmek kadagitoy a pangta. Daytoy ket maysa a pammaneknek iti kolektibo a determinasiontayo a mangsaplit iti panagadu iti maiparit a droga iti Rehion 1,” kuna ni Dickson. Kabayatanna, dinayaw ni Aaron Villanueva a manipud Agoo, La Union iti pamuspusan a mangpapigsa iti
panangkontrol ti beddeng kontra kadagiti iligal a droga, a mamati a mangparayray iti napigpigas ken ad-adda a
nagkaykaysa a komunidad. “Daytoy a pamay-an ket agballiginto iti suporta saan laeng a manipud iti gobierno ngem kasta met manipud iti publiko. Panagtitinnulong ken aktibo a pannakipaset iti tulbek,” impaganetget ni Villanueva.

Impadamag ti PDEA Region 1 nga iti Pilipinas ket maysa a kangrunaan a sentro ti panagdaliasat, transshipment
point, ken destinasion dagiti dadakkel a shipment ti droga iti uneg ti sangalubongan a network ti panaglako. Iti sangalubongan a drug trafficking ket ad-adda a nagpannuray iti freight ken cargo tapno maipuslit dagiti iligal a droga, isu nga nasken iti napigpisa a border control tapno mapasardeng iti panagwarasda ditoy Pilipinas.

(CCMT/PIA La Union/PMCJr. ABN)