ILOCOS REGION POLICE IMPADAMAGNA TI NAPIGSA A GANANSIA KONTRA KRIMEN IDI MARSO

April 5, 2024 Headlines

SIUDAD TI SAN FERNANDO, La Union

Impakita ti Police Regional Office 1 (PRO 1) dagiti napigsa a resulta ti pannakidangadangda kontra krimen iti bulan ti Marso, sigun ti binulan nga accomplishment reportda. Manipud Marso 1 agingga 31, 2024, natiliw ti PRO 1 ti
dagup a 358 wanted nga indibidual iti Ilocos Region. Karaman ditoy iti 27 nailista a kas most wanted persons ken
331 naikategoria a kas dadduma pay a wanted persons. Iti kampania kontra iti maiparit a droga, nangikondukta dagiti opisial iti 98 operasion, panangaresto iti 118 suspek.

Nakumpiskarda iti dakkel a kaadu ti droga, karaman iti nasurok 1,045.10 gramo ti shabu, 137.35 gramo ti marijuana, ken 0.50 gramo ti kush. Dagiti nakumpiskar a droga ket addaan iti napagtipon a napattapatta a gatad a PhP13,454,434.28. Mainayon pay, dagiti panagregget ti PRO 1 ket nangiturong iti panagsuko ti 11 drug personalities.
Tinaming met ti PRO 1 dagiti loose firearms nga addaan 26 operasion, panangtiliw kadagiti 21 aglabsing ken kinumpiskarda dagiti armasda.

Maysa pay, inawat dagiti autoridad iti panangisuko kadagiti 110 nga armas, 34 unexploded ordnances (UXOs), ken 301 bala. Dagiti panagreggetda iti kontra-illegal a panagsugal ket nagbunga met kadagiti positibo a resulta. Iti uppat a pulo ket innem nga operasion ket nangiturong iti pannakaaresto dagiti 161 indibidual ket iti pannakakumpiskar iti
PhP74,074.00 a kuarta ti panagpusta. Naisaklangen dagiti autoridad iti 45 kaso iti korte. Panagtaginayon ti kinatalged ti internal security, pinalaka ti PRO 1 iti isusuko dagiti 66 miembro ti communist terrorist groups ken
communist front organizations.

Dagitoy nga indibidual ket simmuko kadua dagiti 11 armas ken innem nga UXOs. Ipabiang ni Police Brigadier
General Lou Evangelista, PRO 1 regional director dagitoy a nagapuanan iti dedikasion a manggun-od iti natalged a rehion. Impaganetgetna iti kinapateg ti seven-focused agendada, kangrunaan iti estratehiko a pamay-an iti pananglapped ti krimen ken dagiti aktibidad ti solusion, ken iti natibker a quad concept para kadagiti operasion ti
police.

Ad-adda a pinaregta ni General Evangelista dagiti personnelna a taginayonenda iti kinagagetda ken panangsuporta iti panangidaulo ni maika-30 Philippine National Police (PNP) Chief, Police General Rommel Francisco Marbil.
Impaganetgetna, “Let’s intensify our campaign against crime and support our esteemed Chief PNP, Police General Rommel Francisco Marbil, for a safe new Philippines (Pasingkedantayo ti kampania kontra krimen ken suportarantayo iti maipatpateg a hepetayo ti PNP, Police General Rommel Francisco Marbil, para iti maysa a natalged a baro a Pilipinas).”

(AMB/PIA Region 1/PMCJr.- ABN)