K-12 PROGRAM – MAY PAG-ASA PA BA?

June 23, 2025 Editorial

Ang K-12 program o curriculum na higit isang dekada mula nang ito’y ipatupad ay dapat na mapagbuti ang kalidad ng edukasyon sa bansa, na ginaya ang sistema sa ilang mga bansa sa Europa at mga kapitbahay sa ASEAN. Sa kasamaang palad, ang pagdaragdag
lamang ng dalawang antas ng grado, ang grade 11 at grade 12 na kilala rin bilang Senior High School ang mga tampok sa bersyon ng K-12 ng Pilipinas. Bukod dito, ang isang mag-aaral ay magkakaroon ng kabuuang 14 na taon para sa kaniyang pangunahing edukasyon
dahil ipinag-utos na isama ang kindergarten sa kurikulum.

Tahasang wala ay ang operasyonal na istratehiya ng pag-uugnay ng senior high sa pribadong sektor o mga industriya – ang apprenticeship, para sa kagalingan ng mga komsepto at mga kasanayan sa pamamagitan ng hands-on na kaalaman sa uri ng trabaho o mga oportunidad sa kabuhayan na angkop sa kanilang kakayahan at interes. Nabigo ang mga nagpapatupad na gawin ang apprenriceship
na isang mahalagang sangkap ng K-12 curriculum. Kaya’t mas maraming taon ang nawawalan ng halaga. Hanggang ngayon, ang K-12 Education System ng Pilipinas ay nahaharap sa pagsisiyasat.

Bagama’t ipinapahiwatig bilang isang paglukso tungo sa pandaigdigang pakikipagkompetensiya, ang mga butas sa pundasyon nito ay nagpapakita ng kakulangan ng pagpaplano bago ang pagpapatupad na patuloy na pumipigil sa potensiyal nito. Ang mga kritikal na kakulangan ay sumira sa sistema ng K-12, na matutunton sa pagmamadaling pasimula nito. Bago ang implementasyon nito, ang Pilipinas at East Timor lamang ang natitirang bansa sa Timog-silangang Asya ang hindi pa nagsagawa ng isang Kinder plus 12 years ng Basic Education System. Maaaring tukuyin natin ang ilang mga posibleng dahilan kung bakit tila nabibigo ang K- 12 na programa sa Pilipinas.

Una dito ay ang kawalan ng kahandaan ng mga guro, dahil ang K-12 curriculum ay himihingi ng isang biglang pagbabago sa istilo ng pagtututro at kadalubhasaan sa paksa. Gayunpaman, ang pagsasanay ng guro ay hindi sapat na nag-iiwan sa marami na makipagbuno sa mga bagong konsepto at pamamaraan. Ang kapos na pagsasanay ng guro na ibinigay sa pagbabagong ito ay lumikha ng sunod-sunod na epekto na nakaapekto sa mismomg kakanyahan ng edukasyon: kalidad at pagkakapantay-pantay. Pangalawa ang kakulangan sa imprastruktura kung saan ang maliliit at masikip na mga silid-aralan at pansamantalang pasilidad, at hindi sapat na resources ay hindi kaaya-ayang kasama ng maraming mag-aaral, na nakapipinsala sa kanilang pag-aaral at kapakanan.

Andiyan din ang kakulangan sa textbook, learning materials at resources gaya ng walang nakahandang digital na resources para sa lahat ng estudyante. Isa pa ang hungkag na gabay sa karera kung saan ang mga bagong track ng Senior High School ay nangako ng mataas na pagkakaroon ng trabaho, ngunit ang kakulangan ng matatag na sistema ng gabay sa karera ay iniwan ang mga estudyanteng maglayag ng mga pagpipilian na nakapiring. Ang kawalan ng wastong patnubay ay marami ang hahantong sa mga track na hindi nakalinya sa kanilang kasanayan o mga hangarin sa hinaharap, na matutupad ang layunin na career-oriented ng sistema. Panghuli ay ang hindi inaasahang mga gastos na pahirap hindi lamang sa gobyerno kundi pati na rin sa mga pamilya.

Sa maraming kritiko ng K-12 program ay mismong si Pangulong Ferdinand R. Marcos Jr. ay sinabi rin na nabigo ang K-12 education system na pahusayin ang employability ng mga nagtapos na Pilipino dahil hindi sapat ang mga kasanayan ng estudyante na kailangan
para sa trabaho. Ang potensiyal ng K-12 curriculum ay nananatiling hindi nabawasan, subalit tunay lamang na makakamit ito kung ang mga guro ay sapat na nakahanda bilang mga arkitekto nito.

Sa pagtugon sa puwang sa pagsasanay at gawing prayoridad ang teacher development, madagdagan ang mga imprastruktura, pasilidad at kagamitan, lalo na sa mga mas nangangailangan, makakasiguro tayo na lahat ng mag-aaral anuman ang background ay makakakuha ng isang de-kalidad na edukasyon na magbubukas sa kanilang lubos na potensiyal. Ang K-12 program ay itinatag ng batas na dapat sundin at aminin nating may mga ilang isyu sa implementasyon ng senior high school na kinakailangan ng masusing pagrepaso.

LA TRINIDAD JOINS 2ND QUARTER NATIONWIDE SIMULTANEOUS EARTHQUAKE DRILL

June 23, 2025