KAMPANIA KONRTA DROGA TI ILOCOS SINUROTNA ITI WHOLE-OF-NATION APPROACH

February 11, 2023 Headlines

Iti Ilocos Police Regional Office (PRO-1), nagduduma a nasional nga ahensia ti gobierno, lokal a gobierno (LGUs), non-government organizations, iti akademia ken dadduma a sektor ket naiturong
itan nga agtrabaho a sangsangkamaysa tapno mataming iti problema ti droga iti rehion. Daytoy ket kalpasan iti pannakiyussuat iti programa a Buhay Ingatan, Droga’y Ayawan (BIDA) iti Department
of the Interior and Local Government (DILG), a tinabunuan iti agdagup 2,000 a tattao manipud nadumaduma a sektor idi Pebrero 3.

Iti maysa nga interbiu iti telepono idi Martes, imbaga ni PRO-1 information officer Capt. Karol Elizabeth Baloco a panggep iti programa nga ingato iti pannakaammo ken paregtaen iti pannakipaset manipud amin a sektor iti komunidad iti pannakakissay ti panagkasapulan iti droga ken rehabilitasion. “Mamati iti PRO-1 nga iti naurnos ken agtultuloy a panagregget maipapan iti
panagkasapulan iti illegal a droga ken pannakakissay iti suplay ket agserbi kas bato a pagbatayan ti gobierno iti talna ken irarang-ay iti pagilian tayo,” kunana.

Kakuyog iti pananglukat iti maysa a Unity Walk and Fun Bike activity a sinaruno iti maysa a Zumba a nakiramanan iti nadumaduma a pribado a pagadalan iti probinsia ti La Union. Kabayatanna ,
sumagmamano a regional support units iti nangipaay iti maysa a “one-stop shop” pata kadagiti serbisioda. Imbaga ni Baloco nga dagiti timmabuno ket nakaala iti free legal consultation, cybercrime assistance, medical assistance, National Police Clearance Processing, ken maysa nga information booth for recruitment processing.

Iti Regional Community Affairs and Development Division ket nangited met iti libre a pukis. Agduduma a produkto ti agrikultura manipud kadagiti probinsia ti La Union ken Pangasinan, kasta met iti aramidti-ima a produkto dagiti Persons Who Used Drugs, ket naiparang a mailako sadiay plasa ti siudad. Iti BIDA Roll-out ken Service Caravan ket sinaruno iti 2022 Regional Anti-Drug Abuse Council (ADAC) Performance Awards. Iti maysa a video message, imbaga ni DILG Secretary Benhur Abalos nga iti programa ket sungbat iti awag ni Presidente Ferdinand R. Marcos Jr. a
papigsaen iti kampania kontra droga ti gobierno babaen iti panagpokus iti panangaresto
kadagiti drug lord, panamagbalbaliw kadagiti agararamat, ken panangkissay iti panagkasapulan.

Kunana a maaramid daytoy baeten iti panangtaming iti ramut ti makagapu babaen iti panangipaay kadagiti oportunidad ti trabaho ken edukasion agingga iti baba wenno komunidad. Ti BIDA ket maysa a national anti-illegal drugs advocacy program nga inrugi ti DILG idi Oktubre 2022 a
pakiramanan dagiti LGUs, national agencies, ken dadduma a kangrunaan a sector iti kagimongan.
Idiay Rehion ti Ilocos, nakikadua itay nabiit iti PRO-1 iti Battle Against Drugs (BAD), maysa a non-government organization, iti kampania daytoy kontra illegal a droga a puntirya unay dagiti ubing a tao ti rehion.

Agtitinnulong iti Philippine National Police ken iti BAD a mangibutaktak kadagiti saan a nasayaat nga epekto iti illegal a droga babaen ti panangikondukta iti training, symposia, ken seminars kadagiti adguguma public ken private schools iti grassroots level ti komunidad nga adda tulong
manipud nadumaduma mga ahensia ti gobierno ken stakeholders, kuna ni Baloco. Nangikonduktada met iti maysa a “surprise” drug test iti third-level officers ken police lieutenant colonels iti rehion idi Lunes a negatibo iti resultana. Daytoy ket naaramid kalpasan nga 17 a third-level officers ti nagpirma iti courtesy resignations.

“This is a way to manifest our full support to the Secretary of (the) Interior and Local Government and PNP. Also, in this matter, we could prove to the people that we have a clean and clear conscience and that we are deeply rooted in the fight against illegal drugs,” kuna ni Ilocos region police director, Brig. Gen. John Chua.

(HA-PNA Ilocos/PMCJr.-ABN)