Kinasagana dagiti probinsia iti delubio, mangpabileg iti PLUC

SIUDAD TI BAGUIO – Indauloan iti Department of the Interior and Local Government-Regional Office I (DILG-RO I) iti dua-aldaw nga ensayo nga addaan titulo a “Strengthening the PLUC: Provincial Disaster Preparedness Dialogue” a naisayangkat idi Abril 18 ken 19, 2017 iti Chalet Hotel.
Inyunay-unay ni Dir. James F. Padrilan ti DILG-RO I kadagiti nakipaset a Provincial Tourism Officer, Provincial Planning and Development Coordinator, Provincial Disaster and Risk Reduction Management Officer ken Provincial Agriculturist iti Region I iti kinapateg iti naalibtak a Provincial Land Use Committee (PLUC). Kas maysa a tarabay iti panagdur-as, iti PLUC ket kasapulan a napaspas a mangadal kadagiti Comprehensive Land Use Plan (CLUP) iti ili agraman dagiti component city. Dagiti CLUP ket kasapulan a makasungbat kadagiti agdama ken masakbayan a kasapulan dagiti kagimongan aglalo kadagiti pangta ti Climate Change. Inpalagipna pay a dagiti epekto iti Climate Change iti aglawlaw ket makaapekto kadagiti gannuat dagiti lokal a gobierno para iti panagdur-as. Isu a kasapulan launay nga addaan iti plano kontra Climate Change dagiti CLUP. Babaen iti Expanded PLUC, karaman met a nagsanay dagiti mangibagbagi ti National Commission on Indigenous People (NCIP), Provincial Environment and Natural Resources Office (PENRO) ken Department of Agriculture (DA).
Dagiti suheto ket pakaibilangan iti “Revisiting the Legal Basis of the Planning Process,” Overview of Mainstreaming the Disaster Risk Reduction-Climate Change Adaptation Using the Climate and Disaster Risk Assessment Process in the Comprehensive Development Plan and Comprehensive Land Use Plan,” nga inpaay iti DILG-RO I ken “Framework for Mainstreaming Climate and Disaster Risks in the CLUP 12 Step Process” nga inpaay met iti Housing and Land Use Regulatory Board nga idadauloan ni Dir. Teresita V. Galacgac.
Inbaga ni Bobby Valdriz, Provincial Disaster and Risk Reduction Management Officer ti La Union, a napateg iti pannakaunay-unay ti Climate Change para iti panagsagana iti CLUP gapu iti epektona iti bagyo agraman iti uram gapu iti napudot a panawen. Babaen iti CLUP nga addaan iti wayat kontra Climate Change, manamnama a makasagana dagiti component Local Government Units ti La Union kontra delubio. Kinuna met ni Dr. Mauro A. Libatique Jr, Provincial Planning and Development Coordinator iti probinsia, a babaen iti panagsanay, napaspaspasen a maaprobaran ken mailinia dagiti CLUP iti component LGUs iti sirmata ti probinsia a “La Union, the Heart of Agri-Tourism in Northern Luzon by 2025.” Maysa datoy kadagiti core strategy iti La Union Transformative Governance ni Gobernador Francisco Emmanuel “Pacoy” R. Ortega III tapno magun-od iti nasao a sirmata. Israel O. Rudio, Provincial Information & Tourism Office-La Union / ABN

Amianan Balita Ngayon