KUARTA, REGULASION A TULONG NAIKEDDENG PARA KADAGITI BIKTIMA TI URAM ITI MERKADO TI SIUDAD TI SAN FERNANDO

January 12, 2024 Headlines

SAN FERNANDO, La Union

Maitedto iti kuarta ken tulong a regulasion kadagiti makinkukua ti puesto ken trabahador iti
nauram a merkado publiko iti Siudad ti San Fernando, La Union, a napuoran agingga nagbalin a dapo kalpasan iti dandani lima oras a panaguram a nangrugi iti agarup 1:46 iti parbangon idi Huebes.

Iti maysa a press conference, imbaga ni Vice Mayor Pablo Ortega a dagiti lokal nga ehekutibo, kalpasan iti maysa nga emergency session, ket inaprobaranda iti maysa a resolusion nga
agkidkiddaw iti pannakaipasa iti maysa a “state of calamity declaration” tapno makatulong a mangpalaka iti pannakairuar ti calamity fund a nayon iti operasion ti panangsaranay.

Maibasar iti damo a report manipud iti City Disaster Risk Reduction and Management Council, nasurok a 1,500 nga indibidual iti napukaw ti pagbiaganda ken napapateg a bambanag gapo iti uram, a naideklara a naiddep agarup 6:52 ti bigat. Ti pannakapukaw ti ekonomia ket napattapatta nga agarup PhP200 million bayat nga iti gatad ti nadadael a pasdek ket maikeddeng pay laeng.

Malaksid iti tulong a kuarta manipud iti lokal a gobierno, imbaga ni Mayor Hermenegildo Gualberto, iti maysa a naisina a press conference nga dagiti ospisial ti Department of Social
Welfare and Development (DSWD) ket mangipaay iti tulong pinansial a maitunos iti assistamce to individuals in crisis situation (AICS) program ti departamento.

“Ti eksakto a gatad (iti tulong pinansial manipud iti lokal a gobierno) ket maikeddengto inton agangay tapno saan a nasaksakbay iti DSWD bayat nga assessentayo pay laeng ti kasasaad,” kuna ni Gualberto. Imbaga ni Ortega, nga isut SP presiding officer nga mangipasada met iti maysa a
resolusion a mangpaunday iti renewal dagiti business permit kasta met iti panangsuspende iti panagkolekta kadagiti cash ticket kadagiti vendor a naiyakar iti covered court ti Barangay Ilocanos Sur ken dagiti daldalan iti aglawlaw ti auxiliary wet market.

(LA-PNA Ilocos/PMCJr.-ABN)