LALAKI A NALMES ITI SWIMMING POOL SADIAY ITOGON, BENGUET PIMMUSAY

January 7, 2023 Provincial

ITOGON, Benguet

Pimmusay ti maysa a 39 anyos a lalaki kalpasan a nalmes daytoy iti maysa a swimming pool sadiay Itogon, Benguet idi laeng Martes, January 3, 2023. Nabigbig daytoy a ni Maximo Fagsao Keya, naasawaan ken residente iti Fatima Ucab, Itogon, Benguet ken tubo daytoy iti Saclit Sadanga
Mountain Province. Base iti report ti pulisya, ti nasao nga indibidual ket nakainom iti arak a napan
naglangoy iti maysa kadagiti swimming pool ti resort a napanan da a nagpasyaran.

Apaman a maiyaon ti bagi daytoy manipud iti swimming pool ket dagus a naitaray iti ospital ngem indeklara ti doctor a nangtaming kenkuana a “dead on arrival”. Gapu iti daytoy ket duan nga insidente iti “drowning incident” ti nailista ti probinsia iti Benguet.

MPBC/PIO-Benguet