Ginunita ng Pi Sigma Fraternity-La Union province chapter ang ika- 47 taong anibersaryo ng pagkatatag nito bilang provincial chapter
ngayong Marso 1, 2025 sa pamamagitan ng muling pagtatanim sa Fish Sanctuary/Mangrove Protected Area ng Ilog Magsiping, sa barangay Sta. Lucia, bayan ng Aringay, La Union. Tingurian itong “Pagtatanim para sa Sambayanan”, bilang isa sa mga pangunahing adbokasiya at kampanya ng mga kasapi ng Pi Sigma Fraternity-La Union sa pamumuno ni dating Konsehal Ramsey Mangaoang ng Aringay, La Union, katuwang ang Local Government Unit-Municipal Agriculture Office-Aringay, Bantay Dagat, Dulao Mangrove Nursery, Sta Lucia Fisherfolks Association at ng barangay council ng Sta Lucia.
Mahigit 500 pirasong mangrove saplings ang naitanim sa Mangrove Protected Area sa Ilog Magsiping sa Sta. Lucia, Aringay. Mahigit dalawang dekada nang proyekto ng Pi Sigma Fraternity-La Union, kasama ang iba pang mga kapatiran at organisasyon sa bayan ng Aringay ang pangangalaga sa bakawan. Naniniwala ang mga kasapi ng Pi Sigma Fraternity na ang bakawan ay isang mahalagang yaman ng kalikasan na nagbibigay ng maraming benepisyo. Proteksyon laban sa kalamidad ang mga bakawan. Bukod dito’y, pinagyayaman nito
ang biodiversity, nililinis ang katubigan, at pag-iimbak ng carbon. Mahalaga sa ating kapaligiran at ekonomiya ang mga bakawan.
Sa pamamagitan ng tamang pangangalaga at pagpapalaganap ng naninindigan ang Pi Sigma Fraternity na maipapamana natin ang kagandahan at halaga ng mga bakawan sa susunod na henerasyon. Upang ipalaganap sa buong bansa ang adbokasiya ng Pi Sigma Fraternity para sa kalikasan, ilulunsad ng Pi Sigma Fraternity Alumni Association, Inc. (PSFAA Inc.) ang pambansang kampanya nitong “Sigman Tree Planting Project/Save The Planet/Serve The People” nitong Hunyo na lalahukan ng lahat ng mga chapters nito mula Luzon, Visayas at Mindanao. Ipinababatid ni Engr. Rey Solas Batomalaque, tagapangulo ng PSFAAI, na ang “STP” ay isang pambansang pagkilos ng lahat ng mga “Sigmans” sa pagtatanim ng puno at pangangalaga sa kalikasan bilang makabuluhang ambag ng kapatiran sa lipunan.
March 30, 2025
March 30, 2025
March 30, 2025
March 30, 2025
March 30, 2025
March 30, 2025
March 30, 2025