Mannalon ti Ilocos naikkan 5k tulong a pinansial

Headlines

SIUDAD TI LAOAG – Iti Department of Agriculture (DA), ken panakitinnulong iti Landbank of the Philippines ken Provincial Government of Ilocos Norte (PGIN) ket nangited iti unconditional cash assistance nga PhP5,000 para kadagiti mannalon iti pagay iti probinsia nga naapektaran iti Rice Tariffication Law.

Para iti launching ceremony sadiay Centennial Arena, addaan 2,000 umuna a beneficiaries manipud Siudad ti Laoag, Badoc, Solsona ken Bacarra iti nasao nga programa. Sigun ti DA, addaan nasurok a 19,000 benepisario nga makagun-od iti PhP95 milion Rice Farmers Financial Assistance (RFFA) sadiay Ilocos Norte.

Maysa pay, dagitoy nga kualipikado a mannalon ket agtaltalon iti maysa-ketkagudua agingga dua nga ektaria a daga.

“Babaen iti daytoy nga tulong pinansial, maparaburan dagiti babassit a mannalon,” kuna ni DA- 1 Regional Director Lucrecio Alviar Jr.

Imbaga ni Alviar nga daytoy ket saan nga loan assistance nu diket maysa nga unconditional cash assistance para kadagiti mannalon.

“Awan iti bayadanyo iti gobierno. Daytoy ket maysa nga tulong,” kuna iti regional director. Sigun kenni LBP First Vice President Belma Turla, maaramat iti cash cards dagiti mannalon nga mang-withdraw iti kuartada.

“Maikkanda iti cash card nga adda kargana a PhP5,000. Adda dua a Landbank mobile tapno nalaklaka ken mabibiit iti panangted iti tulong pinansial,” kuna ni Turla.

Dua nga LBP mobiles iti nakaistasion sadiay Centennial Arena tapno tumulong kadagiti benepisario nga mangipastrek iti PINda ken ag-withdraw iti kuarta. Mabalin met nga ag-withdraw dagiti mannalon kadagiti sabali nga LBP Automated Teller Machine (ATM) sadiay probinsia para iti pakalag-ananda.

Pamusmusan iti departamento iti agrikultura daytoy a kas wagas iti gobierno nga mangbigbig iti kontribusion dagiti mannalon iti pagilian.

“Maragsakanak iti naited nga kanayonan nga tulong para kadagiti mannalonmi. Dakkel a tulong daytoy lalo kadagiti pamilia,” kuna ni Robert Jose, maysa a benepisario manipud Laoag.

Nakasagana met nga mangiwaras ti DA iti cash assistance kadagiti nabat-bati nga 17,000 mannalon iti pagay nga benepisario.

 

MJTAB-PIA1-IN/PMCJr.-ABN