Miembro ti ‘Puso ti Kababaihan’ nagkaykaysa iti International Women’s Day

March 16, 2020 Provincial

SIUDAD TI CANDONTapno makagun-od iti patas a partisipasion dagiti babbai iti pagilian, agarup 1,000 miembro iti “Puso ti Kababaihan” ti nakitaripnong sadiay Candon Civic Center para iti district convention nga kagiddan iti selebrasion ti International Women’s Day idi Marso 8.
Iti “Puso ti Kababaihan” wenno Progress, Unity, Socialization and Outreach cooperative of women ket maysa nga organisasion ti napabileg nga babbai manipud Siudad ti Candon ken 22 ili iti second district ti Ilocos Sur nga binukel ken idangdanguluan ni Congresswoman Kristine Singson idi napalabas a tawen.
“During our meeting last month, we have agreed to conduct our first activity, which aims to disseminate information mainly on women’s health and livelihood, this March along with the National Women’s Month celebration in the Philippines (Kabayatan iti mitingmi idi napalabas a bulan, nagkaykaysa kami nga mangikondukta iti umuna nga aktibidadmi, nga panggep nga mangiwaras iti impormasion nangruna iti salun-at ken pagbiyagan dagiti babbai, daytoy Marso kagiddan iti selebrasion National Women’s Month ditoy Pilipinas),” kuna ni Rep. Singson. Nangted da Dr. Carmeliza Singson, provincial health officer ken Iloisa RomaraogDiga, entrepreneur ken cocreator iti commerce website ken mobile app, Session Groceries iti maysa a lecture iti biangda a galat bayat iti kombension.
Gapu ta agtultuloy nga ngumat-ngato iti kaskaso iti Corona Virus Disease (COVID 19) iti intero a lubong, nangted ni Dr. Singson iti maysa nga health care lecture tapno mairagawag iti impormasion kadagiti uddang nga maararamid tapno maisagana ken malappedan iti panagwaras iti sakit.
Kabayatanna, nagsao ni Diga panggep iti kapadasanna nga nakatulong kadagiti mannalon iti probinsia ti Benguet nga kumita iti dakdakkel manipud apitda.
Innayonna isuda kas aglako iti Session Groceries app ken manipud idi napalawana dagiti serbisioda kadagiti customer agingga Metro Manila.
Positibo ni Rep. Singson nga adu nga local a produkto iti Ilocos Sur nga mailako sadiay app ken dagiti negosiante ti probinsia ken maragsakan nga mapalawa iti pamay-an ti panaglako dagiti produktoda.
“We commit that our office is always ready to help those who are interested in partnering with Ms. Diga especially if they need help in applying for Food and Drug Administration (FDA) certificate or improvement of their product, branding, and labelling, we can request for a keynote speaker to educate and train them on this matter (Ikomitarmi nga iti opisinami ket kanayon nga nakasagana nga tumulong kadagiti interesado nga maki-partner kenni Ms. Diga nangruna no kasapulanda iti tulong iti panagapplyda ti Food and Drug Administration (FDA) certificate wenno panangpasayaat ti produktoda, branding, ken labelling, mabalin nga ipakaasimi kadagiti ispiker nga adalan ken sanayenda panggep daytoy a banag) ,” innayon ni Rep. Singson.
JMQ-PIA IS/PMCJr.-ABN