MMSU MAIKA- ITI 2022 BAR EXAM, NANGPATUPAD ITI TOP 12 PASSER

April 22, 2023 Headlines

SIUDAD TI BAGUIO

Iti imatmatonan ti gobierno a Mariano Marcos State University ket tagtaginayonenna iti
outstanding performance daytoy iti Bar examination a maika-5 iti top performing schools nga addaan 11 agingga 50 a nageksamen ken nangpataud iti maysa a Top 12 a pimmasa. Siam iti 12 a nageksamen manipud iti College of Law ti unibersidad iti pimmasa iti eksamen nga impatungpal iti
Korte Suprema idi Nobiembre 2022 iti intero a pagilian.

Ti daytoy a bilang, innem iti damoda a nangala iti Bar exam. Iti pannakaartap iti 43.47 percent national passing rate, nagun-od iti MMSU iti 75 percent institutional passing rate. Iti tengnga iti daytoy a balligi, ipannakel ti MMSU ti nagturpos iti kinaabogasia, a ni Jether Corpuz a maika-12 iti
ranggona kadagiti naballigi a 3,992 a pimmasa iti Bar. Iti maysa nga interbiu, inbinglay ni Corpuz dagiti rutinana kas paset iti panagsagana para iti panageksamen.

“Tunggal bigat, agaramidek kadagiti debosion, ikompromisok iti intero nga aldaw kenni Apo nga isu’t kaunaan. Iti maikadua a banag nga inaramidko ket disiplina agsipud ta iti disiplina iti mangikeddeng ti gasatmo. Iti kaudian a banag nga inaramidko ket panangagsep. Naawatak nga iti pannakataros iti impormasion a basaem ken iti panangtaros kadagiti saludsod ti Bar exam ket
napateg unay,” kuna ni Corpuz. Inbinglay na met dagiti gubuayan ti inspirasion kabayatan iti panagdaliasatna iti law school.

“Nagadalak kasla agsagsaganaak para iti panagtulong kadagiti tattao nga agbalinto a klientek,”
kunana pay. Binigbigna met iti suporta nga naawatna manipud pamilia ken kadagiti gagayyem, ken iti debosionna kenni Apo Dios ket nakatulong kenkuana nga agtalinaed natignay bayat ti panagsaganana para iti Bar exam. Kabayatanna, iti Facebool postna, inyebkas ni MMSU President Shirley Agrupis iti ragsakna ken dinayawna iti performance dagiti nagturpos iti kinaabogasia iti Bar exam.

Iti nabiit pay a resulta ti Bar exam, panggep iti unibersidad a taginayonen ti kasasaadna a kas maysa a “top-performing institution” iti edukasion ti linteg.

(MJTAB/IJUG-Intern PIA Ilocos Norte/PMCJr.-ABN)