NABUTOSAN MANEN A MAMAGLINTEG IPANGPANGRUNANA TI LABAN KONTRA SMUGGLING TI NATENG

May 24, 2025 Headlines

LA TRINIDAD, Benguet

Kinuna ni nabutosan manen a Benguet Congressman Eric Yap idi Mierkoles nga ipangpangrunana dagiti panagregget a kontra iti
panagpuslit iti nateng tapno masalaknibanna ti industria a mangpabara iti ekonomia ti probinsia. “Ipagpapatuloy pa rin natin ang mga effort on anti-smuggling ng vegetables para sa protection ng ating mga kababayan sa Benguet (Ituloytayo ti panagregget iti anti-smuggling dagiti nateng para iti pannakasalaknib dagiti kailiantayo iti Benguet),” kinuna ni Yap bayat ti maysa nga interbiu iti media.

Kinunana a maragsakan ta agsubsubli iti Senado ni dati a Senador Panfilo Lacson, maysa a napeklan a mangsupsuporta iti anti-smuggling. “Siya ang nagpu-push ng pag-conduct ng hearing sa Senado (Isu ti mangidurduron kadagiti panagdengngeg iti Senado),” innayonna. Ti rehion ti Cordillera ket mangpatpataud iti 85 a porsiento kadagiti highland vegetable ti pagilian, a ti Benguet ti mangikontribusion iti 65 a porsiento agingga iti 75 a porsiento iti dagup.

Dadduma pay a prioridad Kabayatanna, kinuna ni Yap a dagiti dadduma pay a prioridadna ket mangipapaay kadagiti scholarship kadagiti agtutubo tapno matulonganda a makagun-od iti nasaysayaat a masakbayan babaen kadagiti nasayaat a gundaway iti panggedan, mangitukon iti medikal a tulong, ken mangbangon iti ad-adu nga imprastruktura. “I hope matapos na natin ang Pilando bridge in three
years (Sapay koma ta maileppas ti Pilando Bridge iti tallo a tawen),” kinunana.

Karaman kadagiti proyekto ti imprastruktura iti sidong ti umuna a termino ni Yap ket ti Benguet Sports Complex, a nangpabalin iti
probinsia a mangsangaili iti Department of Education-administered Cordillera Administrative Region Athletic Association idi 2025.
Nagserbi ni Yap iti umuna a terminona idi 2019 kas “caretaker” bayat a pannakabagi ti Act-CIS party-list kalpasan iti ipupusay ni Congressman Nestor Fongwan. Isu ket napili a kas pannakabagi idi 2022 ken iti kallabes a nasional ken lokal nga eleksion.

(LA-PNA CAR/PMCJr.-ABN)