NAIMUNTAR TI AUDIO TACTILE DEVICE PARA KADAGITI PWDs ITI BAGUIO

March 22, 2025 Metro BLISTT

SIUDAD TI BAGUIO

Naimuntar ti kaunaan nga Audio Tactile Device iti Lower Mabini-Harrison Road Intersection a pangtulong kadagiti Persons with
Disabilities (PWDs) tapno mas natalged ti panag-ballasiw da. Daytoy a proyekto ket inisyatibo ti City Engineering Office (CEO) ken Persons with Disability Affairs Office (PDAO) ti Baguio LGU. Maysa a pribado a kompanya ti nangidaulo iti demo tapno masukimat ti
epektibidad ti nasao a device. Sigun ken Engr. Richard Benjamin Lardizabal, Acting Assistant Head ti Baguio CEO, “Ang device naman, to improve yung pedestrian safety, especially yung visually impaired individuals.

Ito is by providing clear audio para naririnig, may cue sila.” Ti Audio Tactile Device ket agpaay iti clear auditory cue kadagiti pedestrian. Nu napartak ti uni na, senyales a natalged nga agballasiw. Nu met nabontog, saan pay a mabalin nga agballasiw. Daytoy ket dakkel ti maitulong nangruna kadagiti adaan iti visual disability. Kinuna met ni Dr. Samuel Aquino, Head ti Baguio PDAO, “It is a very important and significant contribution again to the life of the person with visual (disability) because one way or another, there is a greater access in terms of using the pedestrian lane of Baguio City.” Sigun iti Baguio CEO, daytoy ket pilot project pay laeng.

Adda pay laeng iti demonstration phase ket maipasidong pay iti nainget a panagadal tapno masukimat nu “feasible” ti pannakaipasdek iti
kapada nga “device” kadagiti amin a pedestrian lane ti siudad. Ti nasao a proyekto ket dinayaw met dagiti adaan iti visual disability, gapu ta kas nakitkita da, mabalin da nga agsardeng nga agmagna iti overpass ket mausar ti mas natalged a pedestrian lane.

Jobinthod Ampal /UB-Intern