NAINGET NGA ADDANF TI BIO SECURITY KASAPULAN TAPNO MAAPPOT TI ASF ITI LA UNION: DA

August 16, 2024 Headlines

MALASIQUI , Pangasinan

Idagdagadag ti Department of Agriculture (DA) iti nainget a panagtungpal kadagiti addang ti bio-security kalpasan a 17 iti 36 a barangay ti munisipalidad ti Balaoan iti probinsia ti La Union iti nangkompirma kadagiti kaso ti African swine fever (ASF). Imbaga ni Dr. Alfiero Banaag, DA-Ilocos regulatory division chief ken ASF focal person, iti maysa nga interbiu ti telepono, nga iti nasao nga virus ket inapektaranna iti panggedan iti 132 nga agtartaraken ti baboy ken agarup 704 a baboy iti napapatay (culled) sipud pay idi Agosto 14, 2024.

“Dagiti apektado a lugar ket ti nai-lock down, no sadino a naan-anay a maiparit iti iseserrek ken iruruar dagiti baboy. Ngem kasapulan latta ti nainget a pannakaipatungpal kadagiti addang ti bio-security,” kinunana. Inaminna nga adda
sumagmamano nga agtartaraken ti baboy ti dida kayat nga boluntario nga isuko dagiti baboyda para iti culling gapo ta kinunada a nasalun-at dagitoy. “Sapay koma ta maawatanda a nupay ibagbagada a nadalus dagiti kulongan ken nasalun-at dagiti baboyda, nagwarasen ti virus, isu a ditay pulos masigurado,” kinunana iti pagsasao a Tagalog.

Imbagana nga iti nainget a panagbantay kadagiti lugar nga addaan pagtaraknan ti baboy iti likud balayda ket nasken a maipatungpal tapno masigurado nga awan iti naimpektaran a baboy iti maiyakar iti dadduma a lugar. Maysa nga ASF Task Force iti nabukel, ken kadua dagiti opisial ti barangay, nangipasdek dagiti autoridad iti temporary animal quarantine checkpoints iti tunggal pagserkan ken pagruaran, maitunos iti Executive Order No. 2024-08-067 a naipaulog idi Agosto 1.

Iti umuna a kompirmado a positibo a kaso ti ASF ti ili ket nairekord iti Barangay Sablut idi Hulio 19 ita a tawen.
Imbaga ni Banaag a dagiti apektado nga agtartraken ti baboy manipud Balaoan ket mabayadan iti PhP5,000 kada ulo ti napapatay a baboy, nga addaan iti maximum a 20 ulo iti tunggal agtartaraken. Kabayatanna, imbaga ni Banaag a dagiti positibo a kaso ti ASF iti dua a barangay ti San Fernando City, addan dua nga apektado nga agtartaraken ti
baboy ken 41 napapatay a baboy, aksta met iti dua a kaso iti lima a barangay ti ili ti Luna, addaan 16 apektado nga agtartaraken ti baboy ken 164 napapatay a baboy, iti nakontrol itan.

Mabayadan met dagiti agtartaraken ti baboy depende iti bilang ti ulo a boluntario nga isukoda tapno mapapatay.
Nagapelar met ni Banaag kadagiti agindeg a gumatang laeng kadagiti produkto ti baboy manipud kadagiti lehitimo ken mapagtalkan a gubuayan kas iti publiko a merkado wenno kadagiti grocery tapno masiguro a dagitoy ket saan nga apektado iti ASF. Kabayatanna, kinuna ni Banaag nga adda dagiti naireport a positibo a kaso iti dadduma a probinsia ti Rehion ti Ilocos.

(HA-PNA/PMCJr.-ABN)