NARVACAN INAGURARANNA ITI BARO A PASEK TI RHU

January 21, 2023 Headlines

NARVACAN, Ilocos Sur

Inaguraran itay nabiit iti lokal a gobierno ti ili ti Narvacan, Ilocos Sur iti baro a pasdek ti Rural Health Unit (RHU). Segun iti LGU a pinondoanna met iti nasao a dua a kadsaaran a pasdek,
maibilang daytoy a kabaruan ken kalawaan nga RHU iti probinsia, a naipaayan kadagiti kakompletuan a pasilidad. Imbaga ni Municipal Health Officer Dr. Angelo Gurion nga iti RHU ti Narvacan ket naikkan kadagiti pasilidad kas iti delivery room ken labor/ recovery room nga addaan 15- bed capacity.

“Other than these, we also have consultation, treatment rooms, and an Out-Patient Department room beside the Doctors Area and Examination Rooms (malaksid kadagitoy addaan tay met iti consultation, treatment rooms, ken maysa nga Out-Patient Department room kaabay iti Doctors Area and Examination Rooms),” kuna ni Gurion. Maysa pay, iti RHU ket addaan iti Physical Rehab,
Dental, Laboratory, Blood Bank, ken naituding a rest rooms para kadagiti Persons With Disabilities a naisaad iti umuna a kadsaaran.

Iti maikadua a kadsaaran, addaan iti pasdek iti Family Planning/Reproductive Health Room, Minor Operating Room, Recovery Room, Oral Dehydration Room, Immunization Vaccine Room,
ken Breast Cancer/Oncology Room. Addaan met daytoy iti conference room, employees room, Department of Health Room, breastfeeding room, ken dadduma pay a pasilidad kas iti Mammography Room ken X-ray Room.

Nangrugi iti proyekto iti napalabas nga administrasion ni dati a Mayor Luis Chavit Singson, bayat nga iti administrasion ni Mayor Pablito Sanidad iti nangimaton iti pannakaileppasna. Dinar-ayan ni Mayor Sanidad iti pasamak agraman dagiti opisial iti DOH Ilocos Region nga-isu da Local
Health Support Division Chief Dr. Helen D. Tobias, Dr. Jimuel Cardenas iti Health Facilities
Enhancement Program, ken Engineer Jake Angel Pedronan, iti staff ti RHU Narvacan, ken dagiti opisial iti LGU Narvacan.

Impaganetget iti mayor iti kinapateg ti panangpasayaat kadagiti pasilidad a medikal iti ili gapu ta iti Narvacan ket maysa kadagiti kadakkelan a munisipalidad. Kuna ni Mayor Sanidad, “Nasken unay nga ikkan tayo iti kinapateg iti salun-at dagiti umili tayo, isu nga pinasayaatmi ken kinompletomi dagiti pasilidad ti salun-at ken alikamen iti RHU, ken nangipatakder kami iti health facilities kadagiti barangay.”

Maipalagip nga iti munisipalidad ket mabigbigbig gapu iti panangipatakder daytoy kadagiti Barangay Health Centers kadagiti nadumaduma a barangay tapno mapaayan dagiti adda iti
nasulinek a lugar. Dagiti lokal a tattao nga apresiarenda dagiti moderno a pasilidad ti RHU ket
naibinglayda nga daytoy ket pammaneknek nga dagiti Narvacaeno ket maayaywanan ken prioridad ti LGU.

(ATV-PIA Ilocos Sur/PMCJr.-ABN)