NASUROK 4M NAGPAREHISTRO ITI PHILSYS NAIREKORD TI REGION 1- PSA

June 10, 2023 Headlines

Nairekord ti Philippine Statistics Authority ( P S A ) – Regional Statistical Services Office I (RSSO I) iti 96,468 baro a nagparehistro manipud uppat a probinsia ti Region 1 iti Philippine Identification System (PhilSys) manipud Enero agingga Mayo 2023, a nangyeg iti dagup dagiti nagparehistro
manipud iti rehion iti 4,053,022.

Impadamag ni Camille Carla Beltran, chief administrative officer ti PSARSSO I, nga iti kaaduan iti dagup a nagparehistro ti PhilSys iti rehion ket manipud Pangasinan nga addaan iti 2,399,180 nagparehistro, sinaruno ti La Union nga addaan 635,932, Ilocos Sur nga addaan 560,227, ken Ilocos Norte nga addaan 456,683.

Agdagup iti 2,018,699 physical national ID cards iti naipatuloden iti rehion. Sadiay probinsia ti
Pangasinan, 1,063,953 IDs iti naipatuloden; 418,023 iti La Union; 351,856 iti Ilocos Sur; ken agdagup 184,867 iti Ilocos Norte. Imparegta ni Beltran kadagiti agindeg a saan pay a nakapagrehistro nga surotenda iti tallo a nalaka nga addang iti panagrehisro iti PhilSys.

Umuna, dagiti aplikante ket masapul a mangipaayda iti demographic information sadiay PSA online portal para iti national ID registration. Sumaruno, damagen ti website iti aplikante nga itedna iti kompleto a nagan, sekso, petsa ken lugar ti pannakayanak, blood type, address, marital status, mobile number, ken email address.

Kalpasan a maited dagiti nasao a detalye, mabalinen a mangikeddeng iti appointment iti aplikante iti kaasitgan a physical registration center para iti maikadua nga addang. Idiay Ilocos Norte, maawat dagiti walk-in applicants sadiay permanent PhilSys registration center nga adda iti first floor ti IT Bar Building iti ili ti San Nicolas.

Nu addan iti PhilSys registration center, iti biometric information karaman iti fingerprint, iris scan, ken retrato ket maaramid. Kalpasan iti proseso ti panagparehistro,masapul nga urayen ti aplikante iti panangaipaulog iti national ID. Impalagip ni Beltran kadagiti aplikante nga iggemanda dagiti transaction slips nga agserbi kas reperensia iti panangpaneknek iti estado ti aplikasionda iti PhilID sadiay PSA website.

“We implore everyone to be patient with the delivery ng mga national ID cards. Though alam natin na natatagalan talaga ang pagkuha nito, mayroon namang ini-issue ang PSA na printable ePhilID with the same function as the card version na mas maagang makukuha ng mga residente,” kuna ni Beltran.

(EJFG, PIA Ilocos Norte/PMCJr.- ABN)