Nasurok 73 ribo a marigrigat iti Ilocos nabakunaan

October 23, 2021 Headlines

SIUDAD TI BAGUIO – Agarup 73,837 a marigrigat wenno dagidiay naisidong iti A5 priority group iti Ilocos Region iti nabakunaan kontra coronavirus disease 2019 (Covid-19) vaccines idi Oktubre18.
Iti maysa nga interbyu idi Mierkoles, kinuna ni Department of Health Center for Health Development Ilocos Region (DOH-CHD 1) Covid-19 focal person Dr. Rheuel Bobis nga iti dagup a bilang, 68,803 iti nabakunaan ti first dose bayat a 5,034 iti fully immunized.
Kinunana a adda agadup 562,682 eligible population iti rehion nga naipasidong iti A5 priority group.
Iti panagbakuna iti nataengan a populasion wenno 18 tawen ken agpangato ket nangrugin iti nadumaduma a probinsia iti rehion. “The prioritization was revised and as per President Rodrigo Duterte’s mandate that we start inoculating the rest of the adult population but we still prioritize the A group,” kuna ni Bobis.
Kunana a agarup 7,522 adult population nga saan a karaman iti priority A group ket nabakunaan iti fisrt dose bayat agarup 411 nataengan ket naan-anayen a nabakunaan agingga idi Oktubre 18.
Kabayatanna, iti sidong ti A1 group wenno dagiti trabahador ti ftontline services, adda agadup 120,017 iti nabakunaan ti first dose bayat a 105,824 iti naan-anayay a nabakunaanen, kinunana.
Para iti extended A1 group wenno dagiti outbound overseas Filipino workers, miembro ti pamilia dagiti healthcare workers, ken dadduma a karaman iti A1, adda 50,520 iti nabakunaan iti first dose ken 32,509 iti nakumpleton iti bakunada.
Agarup 313,146 senior citizens wenno dagiti naipasidong ti A2 priority group iti nabakunaan ti first dose ken 280,821 iti naan-anay a nabakunaanen.
Iti sidong ti A3 wenno dagiti tattao nga addaan comorbidities, 335,588 iti nabakunaan ti first dose ken 259,970 iti naan-anay a nabakunaanen.
Adda 590 masikog a babbai iti rehion iti nabakunaan ti first dose ken 93 iti nakumpleton ti bakunada. Para iti A4 priority group wenno frontline personnel iti essential sector, 372,038 iti nabakunaan ti first dose bayat a 169,466 iti naan-anay a nabakunaanen. “We target to vaccinate 90 percent of the target population in the region by early 2022,” kunana.