NIA NANGISAYANGKAT TI PHP29 KADA KILO A BAGAS ITI ILOCOS NORTE

September 20, 2024 Headlines

SIUDAD TI LAOAG, Ilocos Norte

Iti National Irrigation Administration (NIA), nga addan ii sidong ti Opisina ti Presidente ket nangisayangkat iti PhP29-per kilo Bagong Bayaning Magsasaka (BBM) rice sadiay Ilocos Norte idi Setyembre 13, naigiddan iti maika-67 a kasangay ni Presidente Ferdinand R. Marcos Jr. Nupay kasta, iti BBM rice ket mailako laeng kadagiti napili nga indibidual manipud kadagiti nalaka a maapektaran a grupo, karaman dagiti senior citizen, persons with disabilities, ken solo parents. Iti BBM rice ket naaramid a posible babaen iti contract farming ti NIA kadua dagiti irrigators’ associations ti probinsia, nga addaan iti dagup a 901 ektaria a nairangta para iti daytoy a programa.

Iyanninaw ti contract farming iti arapaap ti Presidente para iti Bagong Pilipinas ken panagiduron iti seguridad ti taraon tapno masigurado iti episiente a produksion ti bagas a kissayan iti promedio a gastos iti produksion iti kurang PhP15kada kilo ken ilako ti bagas iti PhP29 kada kilo. Imbaga ni acting division manager ti NIA-Ilocos Norte Engr. Josleito De Vera a planoda nga ilako iti nababa-ti-presiona a bagas tunggal lawas iti Kadiwa booth ti NIA. “We also plan to extend contract farming in the province, at ngayon ay on the process na rin ang submission naming ng areas for contract farming.

Nagko-coordinate kami sa mga president (ng irrigators’ asspciations) na may kagustuhan sa programa natin,” kinuna ni De Vera. Bayat iti umuna a panaglako ti BBM rice iti NIA compound, nagyaman dagiti puntiria a benepisario ti programa iti gobierno para iti nalaka a bagas. Ni Apolinario Lopez Jr., maysa a mannalon ken residente ti Barangay San Pablo iti ili ti Nicolas ket nakagatang iti 10 kilo ti BBM rice iti PhP290. “Malaki ang pasasalamat namin dahil itong bigas na nabili namin ay malaking bagay lalo sa amin na hirap sa buhay.

Kaya naman lubos kaming nagpapasalamat kay Pangulong BBM para sa proyektong ito,” kuna ni Lopez. Iti nabiit pay, inyakar ni Presidente Marcos Jr. ti NIA iti sidong ti Opisina ti Presidente manipud maysa nga attached agency iti Department of Agriculure. Ti ahensia nga idauluan ni Administrator Eduardo Guillen, dati a mayor ti Ilocos Norte ket makita ti opisina ti NIA iti probinsia daytoy kas pagimbagan dagiti lokal a mannalon, nangruna para iti makina ken alikamen para iti irigasion a maitedna. “Very thankful kami kay Pangulo BBM sa dami na nabigay para sa local farmers,” kinuna ni De Vera, acting division manager ti NIA. Para iti rehion ti Ilocos, ti probinsia ti Ilocos Norte ket umuna a lugar para iti pannakaipatungpal ti BBM rice program.

(MJTAB-PIA Ilocos Norte/PMCJr. ABN)